Casti

Ord la Wikipedia

Casti (uffizialmain: Tiefencastel) è ina vischnanca politica en il Chantun Grischun en la Svizra.

Tiefencastel, vista da nord

Tiefencastel, vista da vest

Cuntegn 1 Vopna 2 Geografia 3 Populaziun 3.1 Linguas 3.2 Confessiun

[editar] Vopna

Descripziun: In argient (alv) sut in ansertgel blau sa chatta in chastè cun dus turs ed in portal. Cul chastè medieval che sa chattava a ses temp sil mut-baselgia Suloms odiern explitga la vopna il num da la vischnanca. Il ansertgel blau suravi signifitga la confluenza da l'Alvra (dretg) e da la Gelgia (sanester). Las colurs correspundan a las colurs dals baruns da Vaz.

[editar] Geografia

Casti è situà en ina foppa ordador la Val Alvra nua che las vias vers Surses e vers la Val Alvra davains sa spartan. La vischnanca sa chatta sin in'autezza dad 851 m.s.m. (Hotel Alvra). Il punct il pli bass dal territori communal è sper la riva dal Lai da Niselas sen 825 m.s.m., il punct il pli aut sa chatta radund 200 meters al nordvest dal Piz Mitgel sin 3'100 m.s.m. A Casti conflueschan l'Alvra e la Gelgia.

Tenor la statistica cantunala or da l'onn 1997 sa cumpona il territori communal or da 302 hectaras (20%) surfatscha agricola, 736 hectaras (50%) guaud, 46 hectaras (3%) surfatscha abitada e 401 hectaras (27%) surfatscha betg productiva. La surfatscha agricola sa lascha parter si en 116 hectaras prads ed ers e 186 hectaras pastgiras ed alps.

La lingia Cuira-San Murezzan da la Viafier Retica passa a Casti.

Casti ha diesch vischnancas vischinantas, numnadamain: Alvaschagn, Stierva, Mon, Riom-Parsonz, Cunter, Savognin, Filisur, Alvagni, Surava e Brinzauls.

[editar] Populaziun

[editar] Linguas

Uriundamain era Casti ina vischnanca dal tuttafatg rumantscha. L'onn 1880 faschaivan ils rumantschs or 89% da la populaziun, l'onn 1910 80%. En il fratemp è il dumber sa sminuì ferm. L'onn 1970 discurrivan be anc 53% da la populaziun rumantsch. Oz èn schibain il tudestg sco era il rumantsch linguas uffizials. Discurrì vegn il idiom surmiran.

Linguas a Casti
Lingua	Dumbraziun 1980		Dumbraziun 1990		Dumbraziun 2000
	Abitants	Part	Abitants	Part	Abitants	Part
Tudestg	138	49.8%	113	47.3%	134	58.3%
Rumantsch	124	44.8%	102	42.7%	87	37.8%
Talian	9	3.3%	9	3.8%	3	1.3%
total	277	100.0%	239	100.0%	230	100.0%

[editar] Confessiun

80% da la populaziun è da confessiun catolic-romana e 13% da confessiun evagelic refurmada (dumbraziun 2000). 86% dals abitants èn burgais svizzers (December 2005).

				Vischnancas dal district d'Alvra
Alvagni | Alvaschagn | Bravuogn | Beiva | Brinzauls | Casti | Cunter | Ferrera | Filisur | Lantsch | Murmarera | Mon | Mulegns | Mut | Riom-Parsonz | Salouf | Savognin | Stierva | Sour | Surava | Tain | Tinizong-Rona | Vaz