Cuminanza Rumantscha Radio e Televisiun
Ord la Wikipedia
La Cuminanza Rumantscha da Radio e Televisiun (CRR) è ina da las quatter societads commembras da la SSR (Societad Svizra da Radio e Televisiun). Ella represchenta la regiun rumantscha en il sectur da radio e televisiun e procura cun sia unitad d'interpresa Radio e Televisiun Rumantscha (RTR) per ils programs rumantschs.
La CRR è ina societad nua che mintgina e mintgin che discurra rumantsch po daventar commember. Ils commembers da la CRR vegnan orientads davart las strategias e midadas tar RTR. Vinavant han ils la pussaivladad d’inoltrar giavischs, critica e propostas per il program.
Presidiada vegn la CRR actualmain (2008) da Duri Bezzola, vicepresident è Remo Godly. Ils ulteriurs commembers dal directori da la CRR èn Bernard Cathomas, Armin Walpen, Duri Blumenthal, Martin Quinter.
