Elisabeth Kopp
Ord la Wikipedia
Elisabeth Kopp è l'emprima dunna che ha fatg part da la regenza svizra, il cussegl federal. Ella è naschida ils 16. da december 1936 a Turitg, è creschida si a Berna ed ha studegià dretg a l'universitad da Turitg. Ella marida 1960 Hans W. Kopp, era quel giurist e sa domiciliescha a Zumikon (ZH). Cur ch'il chantun Turitg da il dretg da votar a las dunnas (1970) vegn ella elegida en il cussegl da vischnanca da Zumikon per la pld. Da 1974 enfin 1982 è ella presidenta da vischnanca da Zumikon. 1979 vegn ella elegida en il cussegl naziunal, 1983 reelegida cun in resultat da sur 100'000 vuschs. 1984 daventa Elisabeth Kopp vicepresidenta da la pld svizra. En il medem onn vegn ella preschentada sco candidata per il cussegl federal. Las medias entschaivan ina campagna encunter Kopp e crititgeschan oravant tut ses um, ma curt avant l'elecziun mida il vent, perquai ch'ins na po betg far responsabel ella per ils sbagls da ses um. Ils 2. d'october vegn Elisabetg Kopp elegida sco emprima dunna en il cussegl federal cun 124 da 244 vuschs. Ella daventa parsura dal departament da polizia e giustia ed ha refurmà la politica da fugitivs e dad esters. Medemamain sa metta ella en per ils dretgs da la dunna. 1988 vegn ella elegida sco vicepresidenta da la confederaziun per igl onn 1989.
[editar] Il scandal
"L'affera Kopp" finescha la carriera da l'emprima dunna en il cussegl federal. Il "Beobachter" scriva l'avust 88 ch'igl um da Kopp haja betg paja correctamain la taglia. Il december po quai vegnir declerà sco fauss. Hans W. Kopp era cusseglier d'administraziun da la firma Shakarchi Trading AG, che vegn messa en cumbinaziun cun lavar raps. Cura che Elisabetg Kopp auda da quest ils 27 d'october 88, telefona ella a ses um e giavischa ch'el sortì da quest cussegl d'administraziun, quai che quel fa senza targlinar. Ils 4 d'october publitgescha il Tages Anzeiger grondas inculpaziuns vers la firma. Ils 7 da november intervegn Kopp, che l'infurmaziun ch'era per part enconuschenta, per part fauss ha era ina funtauna en il departament. Ils 12 da november dumonda las medias suenter il tip da Kopp a ses um. L'advocatura federal entschaiva va suenter a questas novas. Sinaquai infurmescha Cussegliera federala Kopp il cussegl federal e silsuenter las medias davart il telefonat. Las medias scrivan entaifer paucas uras d'ina affera Kopp e pretendan ina demissiun pervia d'avair ignorà il secret d'uffizi. Tut las medias sa mettan encunter Kopp e fan uschia in clima da hectica. La gasetta tudestga "Die Welt" scriva gia lura d'in "Kesseltreiben" en Svizra. Malgrà che la populaziun sta davos sia cussegliera federala, declera Kopp sia demissiun ils 12 da december per la fin da favrer 1989, intunescha dentant da "betg avair ina culpa giuridica ni morala" e sa retrai "pervi dal clima, e betg pervi da la chaussa". Suenter che las inculpaziuns van enavant e l'advocatura federal craja da vesair ina culpa, demissiunescha Kopp ils 12 da schaner 1989. La firma Shakarchi vegn pli tard declerada nunculpanta, ed era Kopp vegn declerada nunculpanta. Tuttina resta ella enfin oz ina persuna spretschada dal public, e quai senza motiv.
| Predecessur: Rudolf Friedrich |
Member dal cussegl federal | Successur: Kaspar Villiger |
