Extra calvinisticum

Ord Wikipedia
Questa pagina è scritta en puter.
In che möd es Gesu preschaint düraunt la Sencha Tschaina - spirituelmaing u reelmaing, que voul dir eir corporelmaing ?

Suot extra calvinisticum (latin per il dadour calvinistic) s'inclegia üna particularited da la teologia da Johannes Calvin ed insomma da l'ela refurmeda dal protestantissem.

Quista specialited es gnida elavureda i'l connex da la dispütta cristologica intuorn la dretta incletta da la Sencha tschaina culs aderents da Martin Luther.

Il püt da vista refurmo[modifitgar | modifitgar il code]

A d'eira la persvasiun refurmeda cha l'umanited da Gesu as rechatta daspö l'ascensiun i'l tschêl da la vart dretta dal bap celestiel, uschê ch'ella nu possa esser preschainta corporelmaing düraunt l'act da la Sencha tschaina.

Il püt da vista luteraun[modifitgar | modifitgar il code]

L'opiniun luterauna invezza intunescha cha l'omnipreschentscha (latin ubiquitas) da la natüra umauna da Gesu saja deda causa cha la natüra divina e la natüra umauna nu sajan da separer, bgeraunz ch'ellas comunicheschan vicendaivelmaing e staun in üna cumünaunza permanenta (term tecnic teologic: comunicatio idiomatum). Que pussibiltescha cha Gesu es preschaint reelmaing in, suot e cun ils elemaints da la Sencha Tschaina, il vin e'l paun.

Litteratura[modifitgar | modifitgar il code]

  • Jörg Baur: Artichel Ubiquität. In: Theologische Realenzyklopädie (= enciclopedia reela teologica]] 34 (2002), pag. 224-241 (introducziun extaisa cun üna survista sur ulteriura litteratura)
  • Jörg Baur: Contribuziun Ubiquität. In: Bayer, Oswald e Gleede, Benjamin (edituors): Creator est creatura. Luthers Christologie als Lehre von der Idiomenkommunikation (= Creator est creatura [il creatur es la creatüra]. La cristologia da Luther scu doctrina da la communicaziun dals idioms), Berlin 2007, pag. 186-301

Colliaziuns[modifitgar | modifitgar il code]