Johannes Calvin
|
Quist artichel es scrit in rumantsch vallader
|
Johannes Calvin (oriund per franches Jean Calvin, in rumantsch Joannes resp. Gioannes Calvin), (nat als 10 da lügl 1509 a Noyon, mort als 27 da mai 1564 a Genevra) d'eira ün refurmatur da la seguonda generaziun davo Martin Luther e Huldrych Zwingli. Sia ouvra d'eira da grand'influenza sün blers pajais in Europa uschè ch'el dvantaiva il fundatur dal uschedit calvinissem chi's derasaiva suot seis successuors sül muond inter.
Da chasa d'eira Calvin giurist, e quista derivanza influenzaiva eir seis agir e seis möd da pensar teologicamaing.
[modifitgar] Teologia
L'intenziun principala dals impissamaints da Calvin es da tgnair in salv la sonchità da Dieu. La baselgia ha il dovair da far guardgia cha la sonchità divina in fuorma dals desch cumandamaints vain mantgnüda illa publicità, eir da la vart dal stadi.
