Lago di Luzzone

Ord Wikipedia
Charta dal Lago di Luzzone

Il Lago di Luzzone è in lai da fermada en il chantun Tessin en Svizra.

Il lai sa chatta a la fin sura da la Val dal Blegn sin il territori da las vischnancas da Ghirone ed Aquila. Il mir da serra è cuntanschibel tras ina via en serpentinas sin l'areal da la vischnanca da Ghirone. Manads vegnan il lai da fermada ed ils implants electrics appartegnents da las Ovras electricas da Blenio cun sedia a Locarno.

L'aua dal lai da fermada vegn l'emprim explotada en la centrala da Bivio e vegn silsuenter conduì en il batschigl da fermada a Malvaglia per esser duvrada danovamain per la producziun d'electricitad en l'implant da Biasca.[1]

Istorgia[modifitgar | modifitgar il code]

Il mir artgà Luzzone è vegnì ventschì l'onn 1963. Ils onns 1997 fin 1998 è el vegnì auzà per 17 meters. La curuna dal mir sa chatta ussa sin 1'609 m s.m. Sbassada maximala da la surfatscha dal lai sin 1'435 m s.m. Avant il mir sa chatta ina deponia cuverta (1'451 m s.m.)

Al mir da fermada sa chatta cun 165 meters la pli lunga ruta da raiver artifiziala dal mund. Al mir èn vegnids affischads passa 650 manetschs e crutschets.

Datas tecnicas dal mir da fermada[modifitgar | modifitgar il code]

Il mir da fermada

Tut las datas sa refereschan a l'autezza nova da 225 meters

Luzzone
Finiziun: 1963 / 1998
Tip da serra: Mir artgà
Lungezza da la curuna: 600 m
Autezza: 225 m
Intschess: 1'330'000 km²
Volumen dal lai: 36,74 Mio. m³
Surfatscha: 144 ha
Lungezza: 3,1 km
Capacitad: 103 m³/s
Officine idroelettriche di Blenio SA

Referenzas[modifitgar | modifitgar il code]

  1. Ovras electricas da Blenio - Metoda da producziun (tudestg)

Colliaziuns[modifitgar | modifitgar il code]

Commons
Commons
Commons: Lago di Luzzone – Collecziun da maletgs, videos e datotecas d'audio