Riviera (Svizra)

Ord Wikipedia
La Riviera da Biasca fin Bellinzona

La Riviera (talian Valle Riviera) è ina val en il chantun Tessin en Svizra.

La Riviera vegn traversada dal flum Ticino e s'extenda da Biasca fin a Bellinzona. La cuntrada da la Riviera mussa quasi exclusivamain la flora dal Sid. La regiun da la Riviera n'è betg definida exactamain, cumprenda bain sper il district da Riviera er ina part dal district da Bellinzona, numnadamain ils vitgs Moleno, Preonzo e Gnosca.

Durant il temp da la Veglia Confederaziun è questa regiun vegnida numnada Reffier per tudestg.