Tschertezza da salvamaint

Ord Wikipedia
Questa pagina è scritta en puter.

Tschertezza da salvamaint significha üna noziun centrela da la teologia dal protestantissem. Ella managia cha'l pcheder güstificho da Dieu po esser sgür ch'el hegia la cumünaunza cul Segner uossa ed eir in l'ultim güdizi.

La tschertezza da salvamaint as basa be sülla cretta chi clappa las impromischiuns divinas e survain la grazcha scu ün regal. La polemica dals refurmaturs as drizza cunter üna incletta da salvamaint chi considerescha las bunas ouvras dal crettaivel scu decisivas per pudair river a Dieu.

Ils teologs luterauns e refurmos stimaivan las bunas ouvras, ma els intunaivan la dretta plazza per quellas: nempe illa relaziun cul prossem chi douvra il bön - e na illa relaziun cun Dieu innua cha la cretta dess agir sulettamaing.

La tschertezza da salvamaint es collio culla santificaziun e s'exprima e crescha in ella.

La rösa da Luther illustrescha la tschertezza da salvamaint in fuorma spessa.