Viafier Matterhorn-Gottard
Ord la Wikipedia
 Logo da la Viafier Matterhorn-Gottard. |
||
|
||
| Datas | ||
| Avertura: | Visp - Stalden/Saas | 03-07-1890 |
| Stalden/Saas - St.Niklaus | 26-08-1890 | |
| St.Niklaus - Zermatt | 18-07-1891 | |
| Mustér - Brig | 04-07-1926 | |
| Ursera - Caschanutta | 11-07-1917 | |
| Visp - Brig (traject da colliaziun) | 05-06-1930 | |
| Manaschi durant l’entir onn: | Brig – Zermatt | 1933 |
| Mustér-Brig | 1982 | |
| Electrificaziun: | Visp – Zermatt | 01-10-1929 |
| Mustér - Brig | 01-07-1942 | |
| Visp – Brig | 05-06-1930 | |
| Staziuns e fermadas: | 47 | |
| Sistem da current: | Current alternant d’ina fasa | 11 kV 16 2/3 Hz |
| Lungezza da la rait: | total | 144 km |
| Traject cun roda dentada (Sistem: Roman Abt) | 31.9 km | |
| Pendenza maximala: | traject cun roda dentada (cavorgia da la Scalina) | 181 ‰ |
| Traject d’atesiun | 25 ‰ | |
| Differentza d’autezza: | 3300m | |
| Pli aut punct: | Pass da l’alpsura 2033m | |
| Punct il pli bas: | Visp 625m | |
| Punts: | 60 | |
| Pli lunga punt: | Grengiolsviadukt (traject: Grengiols - Fiesch) 173 m | |
| Pli auta punt: | Mühlebachbrücke (traject: Stalden/Saas - Kalpetran) 45 m | |
| Tunnels e galarias: | dumber: 29 + 20 | |
| lunghezza totala: | 26'277 m | |
| Pli lung tunnel | Tunnel dal Furca 15.35km | |
| Pli lunga galaria: | Kalter Boden – Schilten (traject: Täsch - Zermatt) 730 m | |
| Colliaziun | www.mgbahn.ch | |
La Viafier Matterhorn-Gottard (tudestg: Matterhorn Gotthard Bahn (MGB)) datti dapi l’emprim da schaner 2003. Igl è il resultat da la fusiun da la Viafier Furca-Alpsu (tudestg: Furka-Oberalp Bahn (FO)) e la Viafier Brig-Visp-Zermatt (tudestg: Brig-Visp-Zermatt Bahn (BVZ)).
Cuntegn |
[editar] Traject
La viafier cursescha tranter Mustér (GR) fin Zermatt (VS) e d’Ursera (tud: Andermatt) fin Caschanutta (tud: Göschenen). Da Mustér (1133 m. s. m.) maina la viafier ses giasts sin il Pass da l’Alpsura (2033 m. s. m.), il pli aut punct da la lingia da la viafier. Da l’Alpsura cuntinuescha il viadi ad Ursera (1447 m. s. m.) en il chantun Uri. Là sa sparta la lingia. Ina maina tras la Chavorgia da la Scalina (Schöllenenschlucht) a Caschanutta (1111 m. s. m.). L’autra via maina a Realp, lura tras il tunnel dal Furca, che ha ina lunghezza da 15,35 kilometers, ad Oberwald en il Vallais. La viafier cuntinuescha ses viadi atras il Goms fin a Brig (670 m. s. m.) e da là tras la Val dal Rodan (tudestg: Rhonetal) e lura dal Mattertal siadora enfin a Zermatt (1605 m. s. m.). Uschia collia la Viafier Matterhorn-Gottard la part sura da la Surselva cun la part sura da l’Uri ed il Vallais. L’entira rait ha ina lunghezza da 144 kilometers. Sin l’entir traject datti 47 fermadas u staziuns da tren. La viafier charrescha sur 126 punts ed atras 29 tunnels e 20 galarias. Sin il traject da Mustér fin Zermatt cursescha era il renumnà Glacier Express.
[editar] Il manaschi
La Viafier Matterhorn-Gottard dat lavur a rodund 500 collavuraturas e collavuraturs. Durant in onn vegnan plirs milliuns passagiers transportads sco era 100'000 tonnas rauba. La viafier posseda 462 vehichels per charrar sin ils binaris. La societad acziunara da la Viafier Matterhorn-Gottard tutga per 50 pertschient a la BVZ Holding AG e 50 pertschient a la confederaziun e chantuns. Per il mantegniment dal manaschi da vehichels e lavuratoris è la Matterhorn Gotthard Verkehrs AG responsabla. La societad acziunaria tutga per 75 pertschient a la BVZ Holding AG. Per il mantegniment da l’infrastructura da las staziuns, binaris e conducts libers è la Gottard Infrastruktur AG responsabla. Quella societad acziunaria tutga dal tuttafatg als chantuns Uri, Vallais e Grischun ed a la confederaziun.
[editar] Istorgia
L’emprim tren è cursà sin la rait da la Viafier Matterhorn-Gottard ils 3 da zercladur 1891. Quai sin il traject tranter Visp e Zermatt (da lez temp anc BVZ). 1926 è lura il traject Mustér - Brig vegnì avert (da lez temp FO). 1930 èn lura las duas raits da viafier vegnidas colliadas. Quai è lura era gist stà la naschientscha dal Glacier Express tranter Son Murezzan e Zermatt.
[editar] Galaria
 Locomotiva da la Viafier Matterhorn-Gottard. |
 Tren da la Viafier Matterhorn-Gottard che vegn dal Pass da l'Alpsur en direcziun Ursera. |
 Trens da la Viafier Matterhorn-Gottard a Zermatt. |
