Vinadi

Ord Wikipedia
Vinadi

Vinadi
Administraziun
Chantun Grischun
District En
Circul Ramosch
Vischnanca Valsot
Lingua(s) rumantsch (vallader)
Geografia
Autezza m s. m.
Surfatscha km²
Coordinatas 46° 52′ 11″ N 10° 25′ 32″ O
Demografia
Populaziun
[http:// Pagina-web uffiziala]

Vinadi (tudestg Weinberg (bei Finstermünz)[1]) è in dals lieus pli orientals dal chantun Grischun en Svizra. El fa part da la fracziun Martina da la vischnanca da Valsot en l'Engiadina Bassa.

Num[modifitgar | modifitgar il code]

Il num rumantsch Vinadi è ina translaziun recenta dal tudestg Weinberg. Il num Weinberg na deriva dentant betg da la viticultura anteriura u actuala, mabain igl è ina midada d'etimologia populara da wimberg, che da sia vart va enavos ad in wimi aut tudestg vegl cun la muntada «funtauna».[2]

Culegna[modifitgar | modifitgar il code]

Vinadi consista da be trais chasas: in ustaria, in'anteriura chasa da duana, en la quala i vegn abità ozendi, ed ina chasina pitschna che serva da magasin per l'ustaria.

La lingua uffiziala è il rumantsch en l'idiom vallader.

Traffic[modifitgar | modifitgar il code]

Vinadi è situà vid la via che maina da Tschlin per Martina en direcziun dal Tirol en l'Austria.

A Vinadi sa chatta il spartavias da la via da Samignun che maina exclusivamain sin funs svizzer al territori deliberà da la duana a Samignun. Vinadi sa chatta ca. 6 km davent da Martina e medemamain var 6 km davent da Fuond (Pfunds) en l'Austria.

Archeologia[modifitgar | modifitgar il code]

Il 1997 han ins chattà en ina spunda stippa 300–400 m al nord da Vinadi ina spada da fier che datescha dal temp medieval classic fin tardiv. La spada porta l'inscripziun +NRFNIATEDNIATEDIATEDI+. Fin ussa n'è betg cler tge che quest'inscripziun vul dir, ma tenor la cumparaziun cun autras inscripziuns sin spadas dal medem temp la pon ins interpretar sco furmla magica.[3]

Colliaziuns[modifitgar | modifitgar il code]

Funtaunas[modifitgar | modifitgar il code]

  1. Inscripziun en il Pledari Grond
  2. C. Täuber (1912) Zwei kürzlich erschlossene Bündner Täler (Avers und Samnaun).
  3. Jürg Rageth (2000). Ein mittelalterliches Schwert mit Zauberspruch von Tschlin-Vinadi GR