Zum Inhalt springen

Annalas da la Societad Retorumantscha

Ord Wikipedia
Quist artichel es scrit in rumauntsch puter.
Annalas da la Societad Retorumantscha tom 16 (1902)

Las Annalas da la Societad Retorumantscha sun ün forum per artichels scientifics e scientifics populers davart la lingua, la litteratura, la cultura e l'istorgia rumauntscha.

Furmaziun fin al di d'hoz

[modifitgar | modifitgar il code]

Cun las Annalas da la Societad Retorumantscha es naschida l'an 1886 üna plattafuorma dürabla per s'occuper cun la lingua e la cultura rumauntscha. Il motiv per que d'eira ün bsögn creschaint da documenter, perscruter e rinforzer il rumauntsch, chi d'eira chatscho da l'avanamaint dal tudas-ch. Ün an avaunt vaivan magisters ed intellectuels intuorn Gion Antoni Bühler fundieu la Societad Retoromantscha (SRR) per cultiver la lingua materna.[1]

Daspö l'an 1886 cumpera bod minch'an ün nouv tom da las Annalas. In quellas as chattan contribuziuns scientificas sur la lingua, litteratura, istorgia e cultura, rezensiuns e texts istorics. In quist müd sun gnidas coservedas sur generaziuns attestats linguisticas pü verglias, sun gnieus publichos nouvs resultats da perscrutaziun ed es gnida promovida la lavur litterara rumauntscha contemporauna.[2]

Intaunt ho que pü scu tachaient Annalas chi documenteschan il svilup dal rumauntsch e sia diversited linguistica daspö la fin dal 19evel tschientiner. Las Annalas fuorman taunt üna collecziun da funtaunas istoricas impurtanta e resta scu forum da publicaziuns scientificas inavaunt activ.[2]

Las publicaziuns sun digitelas e stampedas, libramaing accessiblas. Las Annalas collian la preservaziun dal patrimoni culturel cun sia intermediaziun al temp e promouvan il barat traunter perscrutaziun, cultura e societed.[2]

Indicaziun da las funtaunas

[modifitgar | modifitgar il code]
  1. ↑ Gion Deplazes: Rätoromanische Literatur. In: Historisches Lexikon der Schweiz HLS. Consulto ils 9 settember 2026
  2. 1 2 3 Davart Annalas. In: Annalas da la Societad Retorumantscha. Consulto ils 9 settember 2026.