Baltasar Bundi
 |
Questa pagina è scritta en sursilvan. |
Baltasar Bundi (* 2 da fevrer 1786 a Glion; † 4 da matg 1869 a Cuera) da Sagogn era in offizier svizzer.
Veta
[modifitgar | modifitgar il code]Famiglia
[modifitgar | modifitgar il code]Bundi deriva d’ina famiglia reformada ed ei naschius sco emprem fegl da Hercli Bundi e Margretta nata Caflisch da Glion.[1] Bundi ha maridau Maria Hosang da Cuera, cun la quala el haveva ina feglia.[2]
Carriera militara
[modifitgar | modifitgar il code]Survetsch per la Frontscha
[modifitgar | modifitgar il code]Bundi ha surviu ella Grande Armée franzosa ed era staziunaus duront las uiaras napoleonicas silla peninsla iberica en Spagna. Sia partenza entuorn 1807 sco litinent d'ina gruppa da recruts cun cant e musica, flurs e bindels, ha impressiunau scolars dalla scola cantunala.[3] A caschun dalla battaglia sanguinusa da Polozk 1812 eis el daventaus Capitani entras Napoleon sez ed ei el medem mument entraus ella legiun d’honur.[4]
Suenter la restauraziun ha el surviu els regiments svizzers, igl emprem sco capitani, plitard sco cumandant da battagliun. En quei temps eis el vegnius alzaus en il stan da noblezia ed ha astgau senumnar à Bundi. Siu survetsch pils Bourbons terminescha culla revoluziun da fenadur 1830. Silsuenter eis el turnaus en sia patria, nua ch’el ha fatg il pur.[2]
Survetsch per la Svizra
[modifitgar | modifitgar il code]Suenter quei temps interimistic eis el vegnius nominaus colonel dall’Armada svizra e vegnius staziunaus a Thun 1834, nua che era Napoleon III ha absolviu l’instrucziun militara da basa.[5] Duront l'uiara dil Sonderbund 1847 ha Bundi cumandau l’emprema brigada dalla Divisiun Rilliet-Constant ed ei suenter la capitulaziun daventaus cumandant dil Friburg occupau. Igl onnn 1856 eis el semez a disposiziun sco veteran duront ils scumbegls prussians cun 70 onns. Igl onn 1869 eis el vegnius sutterraus cun tuttas honurs militaras e cun ina vasta participaziun dalla populaziun a Cuera.[2]
Litteratura
[modifitgar | modifitgar il code]- Ursus Brunold: Bundi, Balthasar en: Lexicon istoric retic.
Fontaunas
[modifitgar | modifitgar il code]- ↑ Ursus Brunold: Balthasar Bundi. en: Lexicon istoric retic, online
- 1 2 3 Martin Bundi: Sagogn dil 16avel al 20avel tschentaner. en: Annalas da la Societad Retorumantscha, tom 87. 1974, pag. 88–89, online
- ↑ Benedikt Hartmann: Von den Anfangszeiten der Bündnerischen Kantonsschule. en: Bündner Jahrbuch, tom 1. 1945, pag. 38, online
- ↑ Albert Maag: Die Schicksale der Schweizerregimenter in Napoleons I. Feldzug nach Russland 1812. Ediziun dad Ernst Kuhn, Biel/Biena 1900.
- ↑ Schweizer Heer, Waffenplatz Thun. Geschichte / Historisches. online (Memento dils 15 da schaner 2016 en Internet Archive).