Baselgia reformada da Luven

Ord Wikipedia
Jump to navigation Jump to search
Write.svg Questa pagina è scritta en sursilvan.
La baselgia cul clutger, circumdada d'in santeri
Sguard endadens

La baselgia reformada da Luven ella Foppa s’auda tier l’uniun da pleivs (cuminonza da pastoraziun) Luven-Flond-Pitasch-Duvin e stat sut la protecziun dil cantun Grischun. La davosa gada eis ella vegnida restaurada igl onn 1996.

Historia ed indrez[modifitgar | modifitgar il code]

Il pli vegl document che confirmescha ina baselgia a Luven, ei il testament digl uestg Tello (765). Forsa deva ei denton gia pli baul ina caplutta ni baselgia. Da lezzas uras veva la baselgia il patrozini da Sogn Stefan. Aunc el temps prereformatoric, ils onns 1510, ei in niev baghetg vegnius construius, denton el medem stil da gotica. La veglia tuor romanica ei vegnida integrada en il niev baghetg. Pér pli tard ha il clutger survegniu il marcant tetg-tschaguola tschietschen. Entadens dalla baselgia deriva il crap da batten, el centrum dil cor, aunc ord il 14avel tschentaner. Luven ha introduciu la reformaziun gia igl onn 1526. Egl uappen dalla vischnaunca da Luven seregorda da quei eveniment ina bibla aviarta cun las inizialas da A ed O, vul gir l’entschatta e la fin ch’ei Cristus.

L’organisaziun dalla pleiv Luven[modifitgar | modifitgar il code]

Luven ha formau tradiziunalmein ina pastoraziun cun Flond. Dapi 2014 exista in’uniun da pleivs Luven-Flond-Pitasch-Duvin. Il plevon da quella uniun da pleivs stat si Luven ella Casa pervenda. Tut quellas pleivs s’audan tiel colloqui „Sur igl uaul“ ed ein ina part dalla baselgia reformada dil Grischun.

Colligiaziuns[modifitgar | modifitgar il code]