Chapella Open Air

Quist artichel es scrit in rumauntsch puter

Chapella Open Air (fundo l' an 1981) es il pü vegl festival da musica open air in chantun Grischun ed ho lö minch' an traunter S-chanf e Brail in l' Engiadin' Ota.^[1]

Il festival

Al cumanzamaint dals ans 1980 vulaivan ses ravarendas engiadinais metter in vita ün festival culturel per la giuventüna engiadinaisa. Phil Benesch vaiva l' ideja d' organiser per que ün festival da musica dadourvart ed usché es naschieu il prüm festival da musica open air dal chantun Grischun. Cun il temp s' ho quist svilupo ad ün festival da famiglia^[1] cun visitadurs e visitaduras da l' Engiadina e da tuot la Svizra chi vegnan minch' an.^[2]

Hozindi vain il festival Chapella Open Air organiso d' üna societed, chi es gnida fundida als 15 da settember 2001 a San Murezzan.^[3] Il festival Chapella es ün open air non-profit ed ils organisaturs renunzchan daspö il cumanzamaint l' entschatta a banners da sponsurs ed al commerzi.^[1] Scu ün dals pochs festivals nu vegnan vendias bavrandas d' alcohol, perche ch' oriundamaing quist festival d' eira üna vouta organiso per la giuventüna. Uschè lönch cha' ls organisaturs paun finanzer il festival sainza la vendita d' alcohol, rinunzchan quels a que. Ma l' alcohol nun es scumando: ils visitadurs e las visitaduras paun purter cun se lur alcohol.^[4]

Ils visitaturs e las visitaturas as mettan insembel da püssas generaziuns traunter l' eted da 0 fin 80 ans.^[4] Minch' an piglian circa 450 persunas part al festival e giodain las intuorn 12 bands. Per il festival Chapella Open Air lavuran traunter 50 fin 60 persunas voluntarias.^[1]

Indicaziun da funtaunas

1 2 3 4 Backstage Festivalsommer: Chapella Open Air. In: GRheute. Autur: Chris Bluemoon. Consulte ils 27 da marz 2026
↑ Chapella Open Air auch dieses Jahr mit treuem Publikum. In: Engadiner Post, ils 02.08.2025. Consulte ils 27 da marz 2026
↑ Verein Chapella Open Air. Consulte ils 27 da marz 2026.
1 2 Open Air Chapella: Wir geben Acht auf Natur und Umwelt. In: qultur. Consulte ils 28 da marz 2026

[:0-1] 1 2 3 4 Backstage Festivalsommer: Chapella Open Air. In: GRheute. Autur: Chris Bluemoon. Consulte ils 27 da marz 2026

[2] Chapella Open Air auch dieses Jahr mit treuem Publikum. In: Engadiner Post, ils 02.08.2025. Consulte ils 27 da marz 2026

[3] Verein Chapella Open Air. Consulte ils 27 da marz 2026.

[:1-4] 1 2 Open Air Chapella: Wir geben Acht auf Natur und Umwelt. In: qultur. Consulte ils 28 da marz 2026

[1]

[2]

[3]

[4]