Claude Gacond

Claude Gacond

Data da naschientscha:	20 d'avust 1931
Lieu da naschientscha:	Neuchâtel, Svizra
Data da mort:	17 da november 2024
Lieu da mort:	La Chaux-de-Fonds
Professiun:	esperantist, professer, politicher

Claude Gacond è naschì ils 20 d'avust 1931 a Neuchâtel ed è mort ils 17 da november 2024 a La Chaux-de-Fonds. El era dapi il 1952 esperantist svizzer, commember d'onur da l'UEA, da la Societad svizra da esperanto e da l'ILEI.

A partir dal 1974 ha el instruì a La Chaux-de-Fonds, suenter ina interrupziun da sia carriera professiunala da tschintg onns, nua ch'el è sa deditgà dal tuttafatg al Center da documentaziun e studis da la lingua internaziunala (CDELI) ed al Center da cultura per l'esperanto (CCCE) ch'el ha confundà 1967 resp. 1968.

Durant plirs onns ha el appartegnì al parlament chantunal.

Ils onns 1962 fin 1992 è el stà ensemen cun sia dunna Andrée docent per las emissiuns per esperanto da Schweizer Radio International. 1991 ha el survegnì il premi FAME. Dapi sia pensiun il 1994 ha el fatg ina bibliografia davart esperanto ed interlinguistica sin basa da las collecziuns dal CDELI sco era cussegls didactics per magisters e scolars da esperanto.

Claude Gacond ha cuntinuà senza remischun sia lavur per esperanto en il rom dal CDELI, sco archivari ed organisatur da sondas da studis, seminaris e curs d'esperanto.

Claude Gacond è mort la dumengia dals 17 da november 2024 en ina chasa da tgira a La Chaux-de-Fonds.