FC Turich
L'FC Turich es ün club da ballapé da Turich. El es gnieu fundo als 1. Avuost 1896 da commembers dal FC Excelsior e FC Turicum[1] ed es üna da las pü veglias societeds da sport in Svizra. Las culuors dal club d'eiran tar la fundaziun illas culuors da cited, blov ed alv, e sun er gnidas vstidas al prüm gö dal 30. Avuost 1896.[2]
La prüma squedra giouva zieva ün'interrupziun illa stagiun 2017/18 darcho illa Super League (pü ota liga in Svizra). Ella ho guadagno 13 voutas il champiunedi Svizzer – l'ultima vouta l'an 2022 – e desch voutas la Coppa Svizra. Ils pü grands success internaziunels pudaiva il FC Turich festager illas stagiuns 1963/64 e 1976/77, cur ch'el es gnieu fin i'l mez final da la Coppa Europa. 2009/10 s'ho l'FC Turich qualificho per la fasa da gruppa da la Champions League ed illas stagiuns 2007/08 e 2018/19 pel saideschevel final da l'Europa League.
Ils gös da chesa fo l'FC Turich daspö 1925 i'l Letzigrund. In relaziun naziunela ho l'FC Turich üna secziun da giuventüna granda e cun success. La squedra U21 giouva scu ün da be quatter teams da reserva in Svizra illa Promotion League (terz'ota liga).
- ↑ Hans Enderli: 30 Jahre F. C. Zürich. In: Der Kicker. Heft 41 (Oktober 1926), S. 1565 f.
- ↑ https://www.fcz.ch/pages/news/erinnerung-unser-erstes-matsch