Gelgia

Ord Wikipedia
(renvià da Güglia)
La Gelgia sin il Pass dal Güglia

La Gelgia (num surmiran)[1] u Güglia (num ladin)[1] è in flum en il chantun Grischun en Svizra. El nascha sin il Pass dal Gelgia/Güglia a 2'284 meters d'autezza e cula tras il Surses e la chavorgia dal Crap Ses. Sper Casti sbucca el en l'Alvra.

Producziun d'electricitad[modifitgar | modifitgar il code]

Sper Murmarera vegn la Gelgia enchaschà en il Lai da Murmarera, in lai da fermada ch'è vegnì creà per la producziun d'electricitad. Il rempar da terra Castiletto e tut ils auters implants en il curs da la val èn part dals Kraftwerke Mittelbünden, ina succursala da las Ovras electricas da la citad da Turitg (EWZ).

L'aua dal lai da fermada vegn l'emprim manada tras ina galaria da pressiun en l'implant electric da Tinizong e cula suenter per ina segunda galaria da pressiun directamain tar l'implant da Casti Ost, che funcziuna en maniera da tandem cun l'implant da Tinizong.

A medem temp vegn l'aua restanta da la Gelgia e dad auters affluents enchaschà en il batschigl da fermada a Burvagn e manada tras ina terza galaria da pressiun en l'implant da Casti Vest.

Sper Casti vegn l'aua ch'è vegnida separada dal flum manada enavos. Pauc suenter vegn l'Alvra enchaschada sper Solas, da maniera che l'aua po vegnir utilisada anc ina giada.

Referenzas[modifitgar | modifitgar il code]

  1. 1,0 1,1 mesPledaris

Colliaziuns[modifitgar | modifitgar il code]