Hayreddin Barbarossa

Hayreddin Barbarossa, enconuschent era sco Hayreddin Pascha, Hzr Hayrettin Pascha u simplamain Hzr Ris (tuorn 1466/1483 – 4 da fanadur 1546), era in corsar osman e pli tard admiral da la marina osmana. Sias victorias sin la mar han segirà la predominanza osmanica en la mesadad dal 16avel tschientaner en la regiun dal Mar Mediterrana.

Khizr è naschì sin l'insla Lesbos ed ha cumenzà sia carriera sco corsar sut ses frar pli vegl Oruç Reis. Il 1516 han ils dus frars conquistà la citad dad Algier dals Spagnols ed Oruç Reis è sa declerà sez sco sultan. Suenter la mort dad Oruç Reis il 1518 ha Khizr surpiglià il surnum da ses frar "barossa" (talian per "Rotbart"). Plinavant ha el obtegnì il num d'onur Hayreddin (arab Khayr ad-Din, "buntad da la cretta" u "il meglier da la cretta"). Il 1529 ha Barbarossa conquistà il penón dad Algier dals Spagnols.

Il 1533 è Barbarossa vegnì nominà da Sultan Süleyman sco Capudan Pascha (Admiral grond) da la marina osmanica. Il medem onn ha el manà ina cumpagnia en Frantscha, conquistà 1534 Tunis. Il 1538 ha el cuntanschì ina victoria decisiva sur la Lia sontga en la battaglia maritima da Preveza ed ha fatg ils onns 1540 colliaziuns communablas cun ils Franzos. L'onn 1545 è Barbarossa sa retratg a Constantinopel ed è mort l'onn suenter.