Ils dus da nus
Quist artichel es scrit in rumantsch vallader |
«Ils dus da nus» es ün podcast da la RTR (Radiotelevisiun Svizra Rumantscha). La prüm'ediziun es gnüda emissà als 17 favrer 2022. Il podcast vegn moderà da Marcus Petendi e da Elias Tsoutsaios. Elias d’eira fingià moderatur radio pro RTR.
Ils duos amis sun creschüts sü a Scuol ed Ardez cun rumantsch sco lingua da minchadi ma els han ragischs in Germania, Grecia ed Ungaria.
Ils duos «secondos rumantschs»[1] analiseschan e discuorran regularmaing davart temas actuals, observaziuns dal minchadi, cultura rumantscha sco eir lur aigna vita, cun sumur ed autoironia e sün basa da fats.
«Ils dus da nus» s'inclegia sco viadi auditiv ed ha la pretaisa dad esser divertent, intellectual ed infuormativ. Las tematicas actualas vegnan trattadas filosoficamaing ma al listless mumaint sainza mas-char ils pleds.
Il cuntgnü dal podcast vain cumplettà cun üna playlist sün Spotify ed ün profil sün Instagram. Marcus sco musizist es responsabel pels elemaints musicals dal podcast.