Maraton da skis engiadinais
Quist artichel es scrit in rumauntsch puter |
Il Maraton da skis engiadinais es il pü grand derbi da passlung in Svizra. Daspö l' an 1969 ho'l lö minch' an, la seguonda dumengia in marz.[1]
Sur la Cuorsa
[modifitgar | modifitgar il code]Stretta
[modifitgar | modifitgar il code]La lungezza da la cuorsa es 42 kilometers e cumainza a Malögia, sün ün otezza da 1820 m. sur mer. Da lo maina la cuorsa da prüma sur il Lej da Segl e seguaint sur il Lej da Silvaplauna – in quista stagiun sun ils lejs auncha dschiets. Zieva San Murezzan segua la stretta insü il God da Staz e 'lura darcho ingiò a Puntraschigna fin a l' eroport da Samedan. Sün la vart dretta da la val continuescha la stretta tres La Punt Chamues-ch e Zuoz fin a S-chanf.[2]
Istorgia
[modifitgar | modifitgar il code]La prüma cuorsa d' eira l' an 1969, daspö alura ho 'la lö minch' an, adüna la seguonda dumengia in marz. Organiso vain il Maraton da skis engiadinais da la federaziun da skis «Wordloppet», ün organisaziun internaziunela, chi d' eira gnida fundida l' an 1979 in Uppsala (Svezia) cun l' ideja d' unir ils maratons da skis in singuls pajais e per ils fer populers.
Traunter 11'000 e 13'000 passlunghistas e passlunghists piglian part a la coursa minch' an, chi vain fatta cun ün stil liber da passlung.[3] L' an 1991 nun ho il Maraton da skis engiadinais pudieu gnir arrandscho, perche cha d' eira mema chod.[4] Il böt da la stretta es gnieu spustò l' an 1998 da Zuoz a S-chanf, sün il terrain militari da la zona «Vuorcha», chi's rechatta sün ün' otezza da 1670 m. sur mer. Na dalöntsch dal nov böt ho la ferravia retica (RhB) construit al listess an (1998) la fermeda «S-chanf Maraton». Ses ans pü tard, l' an 2004, es la stretta tra il God da Staz gnida orienteda da nouv. Cun quista ed il böt spusto es la topografia dal maraton gnida müdeda, uschè cha 'l temp per la cuorsa düra ün po pü lung. Ils 11 da marz 2018 ho ił Maraton da skis engiadinais festagio sieu giubileum da 50 ans.[5] Pervia il virus da corona ho il Maraton da skis engiadinais l' an 2020 e 2021 stuvieu stit giò.[6]
Colliaziuns
[modifitgar | modifitgar il code]
indicaziun da funtaunas
[modifitgar | modifitgar il code]- ↑ SRF: Radiowanderung auf Ski – Engadiner Skimarathon 1970 (Video)
- ↑ Geschichte & Berichte. Consolte ils 29 november 2022 suot Medien sur engadin-skimarathon.ch
- ↑ Die besten Bilder des Engadin Skimarathons. In: Neue Luzerner Zeitung. Ils 9 marz 2015.
- ↑ Engadiner Skimarathon auch 2021 abgesagt. Radio Television Svizra ils 6 schner 2021, consolte ils 6 schner 2021
- ↑ Toni Nötzli: Der Engadin-Skimarathon ist mehr als die längste Abfahrt der Welt. In: Neue Zürcher Zeitung ils 8 marz 2018.
- ↑ Wegen Coronavirus: Skimarathon abgesagt. Radio Television Svizra ils 27 favrer 2020, consolte ils 27 favrer 2020.