Not Vital

Quist artichel es scrit in rumantsch vallader

Not Vital es nat a Sent in Engiadina Bassa, in Svizra dal 1948. L’istoriker dad’art local Max Huggler ha introdüt a Not Vital a l’art. Dal 1968-1969 (ils ons 1968-1969), ha’l fat stüdis al Centre universitaire de Vincennes a Paris. Dal 1974 ha’l fat müdada a New York ingio ch’el es stat fin al 2012 cun excepziun da sogiuorns regulars a Lucca (Italia), Agadez (Niger) e Sent. El ha fat la cugnuschentscha da Willem de Kooning cul qual el ha lavurà (ed ha lavurà cun el) al principi da seis temp.

Las ouvras da Not Vital - chi fan adöver da differentas tecnicas e differents geners - as chattan aint ils museums, in gallarias d’art ed in lös publics in tuot il muond. Per exaimpel, La punt dals asens, La tor dal silenzi, La chasa dal glatsch, etc. sun visiblas in seis Parkin “Not dal mot” a Sent.

Sia fundaziun, la Fundaziun Not Vital d’Ardez, a sco böt da recrear üna biblioteca rumantscha dal 17avel e 18avel tschientiner in sia regiun e cun cudeschs originals. A la fundaziun appartegna eir üna collecziun d’art cun ouvras da Not Vital e dad oters artists.

Dal 2010, ha Not Vital partecipà a la concurrenza per la renovaziun dal cor da la catedrala da San Galla. Per la tuor Mobimo chi es stata construidà dal 2011 a Turich el ha guadagnà la concurrenza Art-et-Architecture cun sia sculptura No Problem.

In Marz 2016 ha Not Vital cumprà il Chastè da Tarasp da la famiglia Hessen. Not Vital sta e lavura in Engiadina Bassa, a Peking ed a Agadez, plü bod eir a New York. El ha ün pass svizzer ed eir american (Il es vaschin da duos pajais).