Otto Hürsch

Ord Wikipedia
Jump to navigation Jump to search

Otto Hürsch-Müller (* 21 da matg 1860 a Zofingen; † 27 da december 1947 a Cuira) fuva in pastizier svizzer. 1887 ha el creà ils renomads craps-persic da Cuira, ils quals vegnan anc oz producì entras il pastizier jauer Arthur Bühler.

Craps-persic

Vita[modifitgar | modifitgar il code]

Giuventetgna[modifitgar | modifitgar il code]

Il bab Jakob Heinrich Hürsch, reformà e fravi d'irom, ha gia baud surprì la fravgia da ses bab a Zofingen. La fravgia ha survegnì da incumbensa da producir tut las chalderas a vapur per tut las navs dal Lai da Constanza. Per accumplir quai ha Jacob Heinrich Hürsch prendì alloschi ad Arbon, nua ch'el ha inscuntrà Dorothea Studer da Roggwil, la figlia dil hotelier, la quala el ha maridà 1841. Ma Jacob Heinrich es daventà dependent dal alcohol ed ins ha stuì vender la fravgia. Otto Hürsch es naschì sco penultim uffant da 14 fargliuns ed es gia sco pop vegnì tar ina autra famiglia.

Ils emprims tschintg onns ha el passentà tar ina amia da sia mumma a Burg en vischinanza da Reinach en l'Argovia. Cun ses onns es el vegnì tar in pèr che fuvan omadus scolasts a Menziken. 1872 es sia mumma morta, avant ch'el ha pudì returnar a chasa a Zofingen. Otto Hürsch ha stuì absolvir in emprendissadi sco telegrafist tar la posta perquai che quai fuva in mistregn cun futur. En quels onns ha el gudì ina stretga relaziun tar la famiglia da ses frar, per 19 onns pli vegls, Johann Heinrich Hürsch, ina figlia da quest frar, numnadamain Carolina Tschuor-Hürsch (1880–1958) es plitard era ida a Cuira per luvrar tar ses aug.

Suenter igl examen final ha el tschertgà in'ulteriur lieu per far in emprendissadi sco conditer. Otto Hürsch ha chattà ina plazza en la conditoria Rieder a Cuira ed ha perquai bandunà ses chantun patern. Suenter trais onns giarsunadi ha el dumignà la maistra ed ha aschia pudì fundar ina atgna conditoria en la Reichsgasse 57 a Cuira. Quai era dentant betg pussibel per mats uschia ch'el ha 1887 maridà grazia a la intermediaziun da sia sora Agnes ina amitga da lezza. Quai era in lètg naschida ord obligaziun dentant ha Otto Hürsch adina respectà sia dunna sco iguala collavuratura en la fatschenta. A Cuira ha el perfecziunà il recept dals craps-persics grischunais e laschà patentar questa creaziun da marzipan en furma d'in coc da persic. 1888 ha el cumprà la conditoria da ses anteriur patrun.[1]

Uffizis d'onur[modifitgar | modifitgar il code]

Publicamain es el sa angaschads per emprendists che avaivan basegns d'in sustegn. 40 onns es el stà activs tar l'associaziun grischunaisa per emprendists da la mastergnanza (Bündnerischen Hilfsverein für Handwerkerlehrlinge) ed ha cuntanschì che giuvenils povers han pudì gudair ina solida educaziun professiunala.

Prest tuttina lunsch es el stà en suprastanza da la associaziun grischunais-evangelica per orfens (Bündnerischen Evangelischen Waisenhilfsverein). Da questa organisaziun es el stà confundatur.

Otto Hürsch ha sustegnì l'organisaziun "Gute Schriften" fundada 1898 a Basilea che avaiva la mira da derasar buna litteratura per in bun prezi. Ina selecziun da questas publicaziuns meteva el a disposiziun en la stiva da tè a Cuira.

El es medemamain sa participà tar la fundaziun da la uniun Grischuna dal artisanadi e mastergn (Bündnerischen Gewerbeverbandes) els onns 1900/01 ed ha menà quest'uniun tar in'imposanta organisaziun. 1908 es vegnì indrizzà in secretari permanent (ständiges Gewerbesekretariat) a Cuira sin iniziativa dad Otto Hürsch. El es vegnì onurà cun sco commember d'onur da questa uniun mo medemamain era da l'uniun dal artisanadi e mastergn svizra.

Famiglia[modifitgar | modifitgar il code]

1899 ha Otto Hürsch pudì cumprar la chasa "Tar gl'urs nair" en la gassa sutó e renovà questa chasa statala en la citad veglia uschia che quai era ina da las emprimas chasas privatas che avaiva glisch electrica en chasa, da lezzas uras in privilegi be per burgais bainstants. En la chasa cun quater plauns ha Otto Hürsch integrà la furnaria, ina stizun, ina stiva da tè ma era l'entira famiglia ha pudì habitar en questa chasa en la chantunada che maina tar la bar culturala Werkstatt.

Il pèr ha tegnì ses uffants e la figlia da sia sora Agnes es quasi creschida si sco uffant confidà tar els suenter che Agnes es morta memia baud. Ses figls han tuts frequentà bunas scolaziuns, il vegl, Otto Hürsch, ha 1922 surprì la conditoria dal bab. Il secund figl Robert es daventà scolast gimnasial ed Oscar Hürsch ha studegià teologia ed es daventà redactur dal Winterthurer Landbote che exista anc oz.[2] Max ha absolvà in emprendissadi da banchier ed es daventà duanier fertant che Ernst, il cratsch da la famiglia es daventà ortulan. La unica figlia es morta 1894 en la vegliadetgna da be tschintg onns. Otto Hürsch ha tegnì blers abiadis ed es mort 1947 a Cuira cun ina detg auta etad dad 87 onns.

Referenzas[modifitgar | modifitgar il code]

  • Jessica Wilker: Süsse Tüchtigkeit - Das Leben des Zuckerbäckers Otto Hürsch. Online (PDF)
  1. Churer Magazin, Dezemberausgabe, S. 29 Online (PDF)
  2. Hürsch, Oskar en: Lexicon istoric svizzer. Autur: Markus Bürgi