Pavao Tekavčić
Quest artechel ei screts per sursilvan. |
Pavao Tekavčić (* 23. d'uost 1931 a Zagreb; † 19. da mars 2007 a Zagreb) era in linguist e romanist croat.
El ha studegiau lungatg e litteratura franzosa, taliana e latina alla facultad filosofica da Zagreb. Leu ha el 1963 doctorau cun ina dissertaziun davart il dialect istriot da Dignano (Vodnjan). Dil 1957 entochen il 1980 ha el luvrau sco asistent, dapi il 1965 sco docent e pli tard sco professer alla facultad filosofica da Zagreb, nua ch'el ha dociu linguistica romana e grammatica historica taliana. Dil 1980 entochen il 1983 ha el luvrau sco professer da linguistica taliana a Pula.[1]