Susanna Fanzun

Quist artichel es scrit in rumauntsch puter

Susanna Fanzun, 2017 a Scuol

Susanna Fanzun (naschida ils 24 lügl 1963 a Scuol) es üna documentarista, reschissura e cineasta da films rumauntschs. In sia cinematografia s'occupesch'la cun sia regiun, ma eir cun tematicas globelas u affers da minchadi.

Vita e lavur

Susanna Fanzun ho passanto l'infanzia a Tarasp ed ho scu prüm absolvo üna scolaziun scu magistra da scoula primara. In seguit ho'la cummanzo sia carriera professiunela scu schurnalista, perche ch'ella as ho lascho inscoler scu schurnalista da radio e televisiun. Ils ans traunter 1986 e 2013 ho'la lavuro per la Radiotelevisiun Svizra Rumantscha e – parallel a sia lavur – ho'la absolvo divers perfecziunamaints. L'an 2009 es Susanna Fanzun entreda scu commembra tiers la federaziun Cineasts Independents Rumantschs (CIR) e daspö l'an 2017 es ella la presidenta da la federaziun.

Cinematografia

Sieu prüm documentari ho Susanna Fanzun realiso l'an 1997 e zieva quist ho la fat püss da quels. L'an 2012 ho la fundia Pisoc Pictures – firma per producziun da films – e lavura daspö alura scu cineasta independenta. Ella sviluppa e prodüscha documentaris ed ho intaunt realiso intuorn 30 da quists.

Scu cineasta as interess'la impustüt per la famiglia Giacometti da la Bergiaglia, üna famiglia artistica, cun ils genituors Anetta Stampa e Giovanni e lur iffaunts Alberto, Diego, Ottilia e Bruno Giacometti. Per creer il documentari sur la famiglia Giacometti ho Susanna Fanzun fat ün grand lavur da retschercha, chi ho düro desch ans. La prüma rapreschantaziun ho gia lö l'an 2023 a Soloturn, als Dis da film (Solothurner Filmtage) ed es sto il pü grand success in Svizra.

Ün oter documentari ch'ella ho realiso cun granda paschiun d'eira quel sur il chastè da Tarasp, il lö inua ella es creschida sü. Sieu bap d'eira nempe l'administratur dal chastè da Tarasp e l'ouvra da Susanna Fanzun – il documentari sur il chaste da Tarasp – quinta l'istorgia varieda e turbulenta intuorn il chesamaint e do eir ün cuc in l'istoria da la famiglia Fanzun.

Ouvras – üna selecziun

Redschia – üna selecziun

• 1997: Verstummt, verstaubt, wiederbelebt – Orgeln in Spanien. 25 min.
• 1998: Der lange Weg zum Licht – 4 Jahreszeiten mit den Nonnen von Müstair. 25 min.
• 1998: Die Bräute Jesu. 50 min.
• 2000: El Dorado Samnaun – Ein Märchen von Zwergen und Riesen.
• 2001: Nos Alberto – Unser Alberto Giacometti. 25 min.
• 2003: Eine wundervolle Reise. 100 Jahre Albulabahn. 24 min.
• 2005: Wunschtraum Kinder – Albtraum Adoption. 50 min.
• 2005: Dumeng Raffainer – constructer da models. 37 min.
• 2007: La duonna culla corna – ün üert a New York. 25 min.
• 2008: Visita tar Erica Pedretti cun Esther Krättli. 25 min.
• 2011: Guarda – Oz sun jau qua da chasa. 25 min.
• 2012: Pur forever – Carl Jenal, il pli vegl pur svizzer. 25 min.
• 2015: Kühe, Käse und 3 Kinder. Dokumentarfilm, 93 min
• 2016: Lana, Dokumentarfilm über den Rohstoff Wolle. 24 min.
• 2023: I Giacometti, eine außergewöhnliche Familie aus dem Bergell. Kinodokumentarfilm, 104 min.
• 2025: Nos chastè – Das Schloss Tarasp und seine märchenhafte Geschichte. (mit Oliver Conrad), 60 min.

Sczenari e producenta

• 2015: 2015: Kühe, Käse und 3 Kinder.
• 2023: I Giacometti, eine außergewöhnliche Familie aus dem Bergell.
• 2025: Nos chastè – Das Schloss Tarasp und seine märchenhafte Geschichte.

Premis

• 2023: I Giacometti – eine ausserordentliche Familie aus dem Bergell d'eira il documentari cun il pü grand success in Svizra e in Austria, Radstadt, ho'l guadagno il premi public (Publikumspreis) al festival da film Radstadt.
• 2025: Premi da radio e televisiun Svizra Orientela.

Weblinks

• Literattura da e sur Susanna Fanzun. In: Catalog da la Biblioteca Baziunela Tudas-cha.
• Susanna Fanzun tar IMDb
• Pagina-web ufficiela da la firma da producziun Pisoc Pictures