Terra Grischuna

Ord Wikipedia
Jump to navigation Jump to search

Terra Grischuna è ina revista che cumpara mintga dus mais en la chasa editura da medem num a Cuira e che tracta tut ils temas che pertutgan il chantun Grischun. Ella ha in'ediziun da stampa da 18'000 exemplars e porta il suttitel Natur, Kultur und Freizeit in Graubünden («natira, cultura e temp liber en il Grischun»). La Terra Grischuna cumpara dapi il 1942.

Cuntegn[modifitgar | modifitgar il code]

Mintga ediziun è deditgada ad ina tematica centrala sco per exempel «Chur – eine Stadt im Wandel» (5/2009). Ils artitgels han in caracter scientific popular e vegnan scrits dad experts, oravant tut da istorichers, geologs e linguists.

Duas paginas da mintga ediziun (Chapis Vus rumantsch? e Pagina Grigionitaliana = Pagina dal Grischun talian) èn reservadas per las duas linguas minoritaras dal Grischun, rumantsch e talian.

Status[modifitgar | modifitgar il code]

Malgrà che Terra Grischuna vegn distribuida sin via commerziala ha ella causa la disponibladad en ils trens da la Viafier retica ed ils edifizis d'uffizi dal Chantun quasi il status d'ina revista semi-uffiziala ch'è pregnanta per la cultura.

Istorgia[modifitgar | modifitgar il code]

La revista è vegnida fundada il 1942 da Balz Fetz, in Grischun ch'è emigrà a Basilea. Ella sa drizzava surtut a Grischuns en Svizra e cumpareva a l'entschatta 4–6 giadas l'onn. Il suttitel era en ils emprims onns Heimatnachrichten («novitads or da la patria»; pli tard e fin ussa (2012) Zeitschrift für Natur, Kultur und Freizeit in Graubünden («natira, cultura e temp liber en il Grischun»). Fin il 1968 era la chasa editura domiciliada a Basilea ed il suandants 30 onns a Bottmingen en il chantun Basilea-Champagna. Ozendi è la chasa editura ina societad anonima ed ha sia sedia en la Kasernenstrasse 1 a Cuira. L'editur da la revista è Reto Fetz, figl dal fundatur da la societad.[1]

Dapi il 1955 duvrava la Pro Raetia la Terra Grischuna sco organ da publicaziun uffizial. Il 1983 ha la Terra Grischuna sco emprima revista periodica publitgà in text scrit en rumantsch grischun. Il 1. da schaner ha la Südostschweiz Medien surpiglià la revista.

Redacturs da la revista cumpletta[modifitgar | modifitgar il code]

  • Balz Fetz (1942–59)
  • Christian Walther (1959–88)
  • Markus Joos (dapi il 1988)

Redacturs da la Pagina rumantscha[modifitgar | modifitgar il code]

  • Rita Cathomas-Bearth (1982–92)
  • Gian Peder Gregori (1992–2000)
  • Daniel Telli (dapi il 2000)

Colliaziuns[modifitgar | modifitgar il code]

Referenzas[modifitgar | modifitgar il code]

  1. Fachzeitungen