Utilisader:D.Camenisch/Cudeschs/Big Five/Introducziun

‹Big Five› – quest term è sa furmà dal temp che la burgaisia sa gloriava gugent cun trofeas da chatscha africanas. Cun elefant, liun, biffel, rinoceros e leopard na cumpiglia la noziun betg exnum ils pli gronds animals da la savanna, mabain quels ch'eran ils pli difficils e privlus da sajettar. Oz vegn per fortuna fatg safari cun l'apparat da fotografar. Ma la fascinaziun dals ‹tschintg gronds› è sa mantegnida e mintgin che spera d'als survegnir davant la lenta...

La publicaziun preschenta l'emprim l'istorgia e las caracteristicas dal viadi da safari e purtretescha alura ils retgs da la savanna en la successiun sco ch'els cumparan sin il maletg da cuverta: elefant, liun, biffel, rinoceros e leopard.

La versiun preschenta dal cudesch è vegnida preparada per la stampa l'avrigl 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.