Utilisader:Mesoscaph/Cudeschs/Linguas dal mund/Linguatg da segns

Ord Wikipedia

Nua discurran ins lingua da segns e quantas persunas discurran questa lingua?[modifitgar | modifitgar il code]

Communicaziun cun agid da la lingua da segns

Linguas da segns vegnan duvrads en l'entir mund. Igl existan bleras linguas da segns uffizialas cun mintgamai gronds dumbers da persunas che sa servan da quellas. Ed er là nua che linguas da segns uffizials n'existan betg u n'èn betg en diever, sa furman ‹segns da chasa› en quel mument che persunas communitgeschan cun segns che fan senn tranter els.

La lingua da segns vegn en emprima lingia duvrada da glieud surda u flaivla d'udida. Bleras autras persunas emprendan linguas da segns per esser abels da communitgar meglier cun confamigliars u amis ch'èn surds u flaivels d'udida. In'ulteriura gruppa furman persunas ch'emprendan linguas da segns per lavurar sco interprets (translaturs) da la lingua discurrida en la lingua da segns.

Tge scrittira dovra questa lingua?[modifitgar | modifitgar il code]

Linguas da segns na vegnan betg scrittas uschè savens sco autras linguas; enstagl sa servan ins plitost da las furmas scrittas da las linguas ordinarias. Insatgi che communitgescha cun la lingua da segns taliana vegn per il pli a leger e scriver talian. Ma tuttina han bleras linguas da segns lur furma scritta specifica.

Igl exista numnadamain ina notaziun che po vegnir duvrada en quasi mintga lingua da segns per illustrar co ch'ils segns vegnan fatgs. Inventà quella ha David J. Peterson che s'occupa da linguas construidas.

Tge savain nus davart l'istorgia da questa lingua?[modifitgar | modifitgar il code]

Bleras gruppas da glieud surda ha fatg diever da linguas da segns tras l'istorgia. Quellas fan part da la communicaziun umana.

Èn linguas da segns propi linguas?[modifitgar | modifitgar il code]

Gea! Linguas da segns disponan da tut las impurtantas caracteristicas d'autras linguas. Per exempel han ellas lur atgna grammatica, fonems (las parts da las qualas pleds consistan) e diever da flexiun (p.ex. singular/plural, passà/preschent/futur). Ed insatgi ch'illustrescha ina lingua cun segns fa diever da las medemas parts dal tscharvè sco insatgi che la discurra. Linguas da segns han pia tuttas ils medems elements da basa sco linguas discurridas, ma ellas vegnan exprimidas en autra moda.

È la lingua da segns ina lingua universala?[modifitgar | modifitgar il code]

Translaziun simultana d'in referat en lingua da segns

Magari cur ch'ins communitgescha cun insatgi che na discurra betg la medema lingua, sa gidan ins cun far segns cun ils mauns. Vul quai dir che la lingua da segns ha ina muntada universala? Betg dal tut. Gist sco ch'i dat bleras linguas discurridas, existan er bleras linguas da segns (per exempel la lingua da segns ollandaisa u la lingua da segns spagnola). Interessantamain han las linguas da segns in'autra istorgia che las linguas discurridas. La lingua da segns americana è per exempel bler pli datiers da la lingua da segns franzosa che da la lingua da segns britannica!

Ed er da l'atgna lingua da referenza sa differenzieschan linguas da segns magari vaira ferm. En englais (american) din ins per exempel «When are you going to school?» («Cura vas ti a scola?»); en lingua da segns american percunter inditgeschan ins cun ils mauns insatge sco «When you school go when?»

Emprender ina lingua da segns è pia propi sco d'emprender ina segunda lingua, betg be emprender segns per ils pleds ch'ins enconuscha gia. En medema moda munta il translatar d'ina lingua da segns en ina lingua discurrida da stuair resguardar differenzas da grammatica gist tuttina fitg sco da translatar d'ina lingua discurrida en in'autra.