Detga dil signur da Schluein

Ord Wikipedia
Questa pagina è scritta en sursilvan.

Si el casti da Schluein viveva avon biars onns in um, che regeva sur quels da Schluein. Mintga dumengia cavalcava el cun siu cavagl, vestgius en in bi manti, tras il vitg e mirava che tut seigi en uorden. Ils habitonts havevan grond respect dad el, mo els savevan buc, ch'el era malsauns. El haveva bia da quellas convulsiuns d'agressiun. Sia dunna ei mintgagada scappada en sia combra, cura ch'el haveva puspei inagada in' attaca. Ella temeva che siu um savessi far ad ella enzatgei nausch. In gi,cura ch'il signur ha puspei inagada giu ina da sias attaccas ei la dunna buc vegnida da scappar ed igl um ha strunglau ella. Onns pli tard ei il signur morts da sia malsogna. Als habitonts da Schluein eis el aunc ditg staus en memoria. Ei ha dau da quels che han detg ch'els hagien viu il signur sin siu cavagl la notg. Tras quei che buc tuts savevan dir da quei, ein els vegni alla declaraziun ch'ei stoppi esser in spért. Daco ch'il signur seigi ussa in spért savevan els era: El ha buca anflau il ruaus, perquei ch'el ha mazzau sia dunna. Era aunc oz dat ei glieud che vesa en ina clara notg a cavalcar el datier dil casti.