Gian Giacomo Medici
Gian Giacomo Medici (* 1495, † 8-11-1555 a Milaun) ha obtegnì dal duca da Milaun, Francesco II Sforza, en feud il signuradi da Müsch en la part sura dal Lai da Com. El ha transfurmà il chastè da Müsch en ina fortezza, ha stgaffì in'atgna flotta ed ha cumpromess il traffic dals Grischuns.
L'onn 1525 stevan 6000 umens Grischuns en il servetsch dal retg da Frantscha a pavia. Ludovico Sforza, il duca da Milaun ha nizzegià questa mancanza da schuldads en il Grischun per ses agens intents: el aveva occupà Clavenna ed era entrà en Vuclina. A Gian Travers, sco guvernatur militar da la val, èsi reussì da stgatschar l'invasur. Turnond dentant cun ina delegaziun grischuna da las tractativas da pasch a Milaun vegn Travers arrestà dal chastellan Gian Giacomo Medici (Medeghin). La Republica da las Trais Lias ha stuì pajar ina gronda spendradira per liberar els da lur rapinader.
Colliaziuns[modifitgar | modifitgar il code]
Gian Giacomo Medici en il Lexicon istoric retic
Carigiet, W.: Istorgia dal linguatg rumantsch. Cuira 2003.