Lois Craffonara

Ord Wikipedia

Lois Craffonara (* 27 da mars 1940 a Longega, Mareo, Tirol dal Sid) è in linguist ladin dolomitan.

Vita ed ovra[modifitgar | modifitgar il code]

Craffonara ha studegià filologia a l'Universitad da Padua. El è stà in dals fundaturs da l'institut ladin "Micurà de Rü", che promova la lingua e cultura ladina dolomitana.[1] Plinavant era el tranter ils 2 da settember 1977 ed ils 31 da december 1992 l'emprim directur da l'institut. Craffonara ha publitgà numerusas ovras davart la lingua e las usanzas dals Ladins da las Dolomitas.

Lois Craffonara represchenta l'opiniun che la vischnanca da San Martin de Tor era ina giada ina culegna romana ed emprova da cumprovar quai cun chats en la terra. Ina preschentaziun correspundenta sa chatta en il museum ladin "Ćiastel de Tor" (Schloss Thurn). Il davos temp è questa supposiziun dentant vegnida contestada cun renviaments a l'origin dal temp carolingic e pia medieval tempriv da la mesiraziun sumegliant a quadra.[2]

Craffonara è consulent scientific dal museum ladin "Ćiastel de Tor" a San Martin de Tor.[3]

Referenzas[modifitgar | modifitgar il code]

  1. Istitut Ladin "Micurà de Rü": I vari plü importanc (ladin) | Die wichtigsten Schritte (tudestg)
  2. Irmtraut Heitmeier, „Quadrafluren“ in Tirol – Relikte aus römischer Zeit?, en: VIS IMAGINVM. Festschrift für Elisabeth Walde, Innsbruck 2005, ISBN 3-200-00267-0
  3. "Lois Craffonara, un dai grancj partesans ladins" sin noeles.net