Lurago d'Erba
Ord Wikipedia
Lurago d'Erba (lumbard Lüragh) es üna vschinauncha da 4.932 abitants, chi as chatta in Lombardia, Provinza da Com.
La vschinauncha [modifitgar]
Il territori da Lurago d'Erba es furmo da bgeras crests, süllas quelas as chattans sieus fracziuns:
- Lurago (lumbard Lüragh), inua cha sun la megldra part dals monumaints da la vschinauncha e la cited veglia, ch'as chatta sülla crest est;
- Calpuno (lumbard Calpürgn), sülla crest nord-ovest;
- Colciago (lumbard Colciagh), sülla crest ovest;
- Careggia (lumbard Carégia), sülla crest suot-ovest, tar Inverigo e sia fracziun Cremnago;
- Careggiola (lumbard Caregiöla), illa part nord da la vschinauncha, tar Monguzzo e la Viafier Com-Molteno-Lecco.
Ils monumaints [modifitgar]
- La baselgia San Giovanni Evangelista (a Lurago) dal 1913, tar la quel ad es il clucher eir clamo "Torre dei Caduti" (per ch'el algorda ils sudos morts vi pella prüma Guerra mundiela);
- il Baptisterium dal 17. tschientiner, illa cited veglia;
- la Villa Sormani dal 17. tschientiner (a Lurago), da l'üert dal quel as po vzair ün panorama fich bel sülla Brianz'Ota;
- la baselgia da San Giorgio (a Calpuno), veglia baselgia da la vschinauncha, cha's chatta hoz illa "cascina", chi ho listess nom.
- la baselgia da Santo Stefano (a Careggia).
Las "cascine" [modifitgar]
Scu cha bgeras vschinaunchas da la Brianza, ho eir Lurago d'Erba diversas "cascine", grossas chesas cun cuort üna vouta abitedas dals purs ed hoz messas in uorden ed abitedas darcho; las pü importantas dad ellas sun:
- Ca' Bassa, tar Careggiola, hoz banduneda;
- Casalta (lumbard Cà Volta), traunter Careggiola e Lurago;
- Ca' Ronchi (lumbard Cà di Runch), sün üna crest tar la Casalta;
- Cascina San Rocco (lumbard Cà de San Roch), als peis nord da la crest, inua ch'as chatta Lurago;
- Cascina Monticello (lumbard Cà Muntesèl), tar la strada Com-Bergamo.
- Cascina San Giorgio (lumbard Cà de San Giorg), a Colciago.
