Il 19avel Campiunadi mundial da ballape (uffizialmain 2010 FIFA World Cup South Africa) ha lieu dals 11 da zercladur fin ils 11 da fanadur 2010 en l'Africa dal Sid e damai per la prima giada sin il continent african. La decisiun dal comité executiv da la Federaziun internaziunala da ballape FIFA è crudada ils 15 da matg 2004 a Turitg.
Surdada
Pervia d'in principi da rotaziun decidì da la FIFA èn be candidaturas da pajais africans vegnidas acceptadas per il Campiunadi mundial da ballape 2010. Dasper l'Africa dal Sid èn era l'Egipta ed il Maroc vegnids acceptads sco candidats. Ina tentativa da la Libia e la Tunesia è avant vegnida refusada e sco resultat da quai e la Tunesia sa retratga. La Libia ha fatg chapir che ina participaziun da l'Israel na vegnia betg lubida en quest pajais ed è curt suenter crudada ora sco candidat. L'argumentaziun uffiziala da la FIFA era che l'infrastructura da la Libia na bastia betg per organisar in campiunadi mundial. La Nigeria ha encunter emprimas communicaziun betg inoltrà ina candidatura. Gia en l'emprima votaziun ha l'Africa dal Sid sa segirà la victoria encunter il Maroc cun 14 a 10 vuschs. L'Egipta n'ha survegnì nagins vuschs.
Il termin exact dal Campiunadi mundial 2010 ha la FIFA communitgà ils 6 da december 2006 a Turitg.
Lieus d'occurrenza
Sco lieus d'occurrenza dal Campiunadi èn diesch stadions en nov citads sidafricanas vegnidas selecziunadas:
Stadions da ballape dal Campiunadi mundial da ballape 2010
Circa in onn avant il Campiunadi mundial ha gì lieu en l'Africa dal Sid il FIFA Confederations Cup 2009 dal 18 fin ils 28 da zercladur. El serviva, sco gia il Confederations Cup 2005 en la Germania, sco prova generala per il grond eveniment en l'onn suandant. Perquai ch'i ha dà dubis considerabels sche las lavurs da construcziun tar il Nelson Mandela Bay Stadium vegnian finidas a temp, ha il comité d'organisaziun stuì stritgar quest stadion. La prova generala per il Campiunadi è perquai vegnida dada in be quatter stadions (Ellis Park Stadium Johannesburg, Pretoria, Rustenburg e Bloemfontein), per il Campiunadi è il Nelson Mandela Bay Stadium dentant vegnì finì a temp.
La Soccer City a Johannesburg vala sco "patria dal ballape sudafrican"[1] ed è vegnì tschernì sco lieu d'occurrenza dal matsch d'avertura e dal final. Quest stadion è in stadion sulettamain per ballape ed offra suenter in engrondiment per il Campiunadi ina capacitad da 84'490 aspectaturs.[1] Ils dus matschs dal semifinal han lieu a Citad dal Cap e Durban, il matsch per il terz post vegn dà a Port Elizabeth. En total vegnan otg partidas ad avair lieu en la Soccer City, a Citad dal Cap e Port Elizabeth. L'Ellis Park Stadium a Johannisburg ed il stadion a Durban vegnan ad esser lieu d'occurrenza per set gieus. A Rustenburg, Bloemfontein e Pretoria vegnan dads sis gieus. En ils stadions da Polokwane (Pietersburg) e Nelspruit vegnan giugads mintgamai quatter partidas da la fasa d'eliminaziun.[5]
Qualificaziun e paticipants
Pajais participants al Campiunadi mundial 2010:
Pajais ch'èn sa qualifitgads per la participaziun
Pajais che n'èn betg sa qualifitgads
Pajais che n'èn betg sa participads a la qualificaziun
Per la participaziun al 19avel Campiunadi mundial da ballape è sa annunziads 200 squadras naziunalas, in dumber da record. Las plazza da partenza èn vegnidas surdads entaifer il sis associaziuns continentalas tras in turnier da qualificaziun, era enconuschent sco runda d'eliminaziun (Vorrunde). L'extracziun da las gruppas da qualificaziun ha gì lieu durant il preliminary draw ils 25 da november 2007 a Durban.
A l'UEFA èn vegnids garantiads 13 participants, a la CAF africana 6 inclusiv il pajais ospitant. L'AFC asiatica ha dentant stuì far ses tschintgavel plazzà giugar encunter il victur da la qualificaziun da l'OCF da l'Oceania en in play-off. Tras quai matsch è la squadra naziunala da ballape da la Nova Zelanda sa qualifitgada per il Campiunadi. Or da la CONCACAF nord- e centralamericana èn sa qualificadas trais squadras, perquai che la squadra naziunala da ballape da l'Uruguai è sa profilada en la relegaziun sco tschintgavel participant sidamerican per l'associaziun CENMEBOL.
Cun quai participeschan las suandantas 32 squadras naziunalas or da tut ils sis associaziuns continentalas al Campiunadi en l'Africa dal Sid:
Al Campiunadi mundial da ballape 2010 na datti nagin "debutant" ver. Malgrà che la Serbia e la Slovachia sa participeschan per l'emrima giada cun quels nums, han ellas gia fatg part da turniers anteriurs sco part da las squadras naziunalas jugoslava (2006: serb-montenegrin) resp. tschecoslovaca.
Extracziun
Ils 2 da december 2009 ha la FIFA communitgà las urnas d'extracziun.[6] Cuntrari a l'usit anteriur han ins per l'emprima giada be duvrà la Classificaziun mundiala da la FIFA per determinar las squadras participantas. En ils onns passads è adina vegnida duvrada ina maschaida or da la Classificaziun mundiala ed ils resultats da campiunadis precedents. Dasper l'ospitant or da l'Africa dal Sid èn vegnidas tschernidas las squadras europeicas Italia, Spagna, Germania, Pajais Pass ed Engalterra, sco era la Brasilia e l'Argentinia or da l'America dal Sid. Per lez gruppas è vegnida extratga mintgamai in squadra da l'America dal Nord e Centrala, da l'Asia e l'Oceania, ina da las restantas squadras da l'Africa e da l'America dal Sid ed ina da las ulteriuras squadras europeicas. Ultra da questa regulaziun ha la FIFA era decidì che nagin'autra squadra sidamericana po giugar en ina gruppa ensemen cun la Brasilia e l'Argentinia e nagin'autra squadra africana ensemen cun l'Africa dal Sid.[7]
L'extracziun da la runda finala ha gì lieu ils 4 da december 2009 a Citad dal Cap.[8] Da quai è resultada la suandanta cumposiziun:[9]
I dat otg gruppas cun mintgamai quatter participants. En mintga gruppa giuga mintga squadra cunter mintg'autra squadra. Las emprimas duas squadras da mintga gruppa sa qualifitgeschan per l'otgavel final. Il plazzament da las squadras en las gruppas d'eliminaziun resultan da las suandantas reglas en questa successiun:[10]
Dumber dals puncts da tut las partidas en la runda d'eliminaziun (victoria: 3 puncts; paritad: 1 punct; sconfitta: 0 puncts)
Differenza da gols da tut las trais partidas
Dumber dals gols fatgs
Dumber dals puncts da las scuntradas directas tranter squadras cun il medem dumber da puncts e/o gols
Differenza da gols en las scuntradas directas tranter squadras cun il medem dumber da puncts e/o gols
Dumber dals gols fatgs en las scuntradas directas tranter squadras cun il medem dumber da puncts e/o gols
Extracziun tras il comité d'organisaziun da la FIFA
Info davart las tabellas: Il temps d'entschatta da las partidas en temp local (UTC+2) correspundan al temp da stad da l'Europa Centrala (MESZ).[11] Il resultat intermediar è inditgà en parantesas.
I suounda in glista dals giugaders cun ils pli blers gols al turnier. En cas da paritad vegn ordinà tenor l'alfabet. Las squadras scrittas en grass èn anc en il turnier.
↑Alle Höhenangaben ohne andere Quellenangaben beziehen sich auf die Stadt, in der das Stadion steht. Quelle ist der deutschsprachige Wikipediaartikel über die jeweilige Stadt.
Danemarc
Germania
Engalterra
Frantscha
Grezia
Italia
Pajais Bass
Portugal
Svizra
Serbia
Slovachia
Slovenia
Spagna
Argentinia
Brasilia
Chile
Paraguai
Uruguai
Mexico
Stadis Unids
Algeria
Costa d'Ivur
Ghana
Camerun
Nigeria
Africa dal Sid
Australia
Giapun
Corea dal Nord
Corea dal Sid
Nova Zelanda
.svg){kind=link}
Brasilia
Svizra
Honduras
Brasilia
Wikinews: Fußball-Weltmeisterschaft 2010 – en las novitads (tudestg)