Historias da Gion Barlac

Ord Wikipedia
Jump to navigation Jump to search
Write.svg Questa pagina è scritta en sursilvan.

Las Historias da Gion Barlac ein in'ovra da Theo Candinas.

Historias da Gion Barlac[modifitgar | modifitgar il code]

Gion Barlac ei el claus[modifitgar | modifitgar il code]

Tgei dat en egl? La historia ha buca propi in'entschatta ed ina fin. Tgei ch'ei tenor miu manegiar buca propi clar capeivel ei daco che l'ura fa igl entir temps "tictac". Jeu sai buca ordinar quei propi endretg el context. Gion Barlac ei en gl'entira historia tut persuls, denton vegn el mai descrets pli exact. Da quella historia san ins far ina massa patratgs, aschia ch'ei dat differentas variantas d'interpretaziun.

Co? Il raquintader ei igl observatur, el sa buca dapli che Gion Barlac sez. La historia vegn pli e pli interessanta sch'ins legia ella pliras gadas ed entscheiva a sedumandar tgei ch'igl autur manegia cun quellas las caussas descretas. En quella historia dat ei ina massa simbols abstracts e metafras che daventan fetg interessants sch'ins interpretescha quellas pli exact. Las metafras descrivan ils problems da Gion Barlac. La glisch ei in simbol per la speronza, la qualla ch'ins duess adina haver e mai piarder. Ei dat en quella historia mo alineas e buca capetels. Acziuns ha ei sulettamein cura che Gion Barlac scarpetscha sur las petgas dil claus e cura ch'el scriva sias historias. Il punct culminont ei cura che Gion Barlac sedecida da scriver sia histora.

Cura? Il temps cura che quella historia capeta ei buca definius. Ins sa buca tgei di, tgei meins, ni perfin tgei onn che quei schabegia. Il temps da raquintaziun ei pli cuorts che quei che la historia cuoza en verdad. La raquintaziun ei formada cronologicamein tenor il temps.

Tgei? Gion Barlac ei en in claus ed auda in'ura che fa igl entir temps "tictac". Tuttenina stezzan las steilas, la glina ed il sulegl en siu mund. Per mitschar da quella stgiradetgna entscheiva el a scriver historias. Las historias ein nunrealisticas ed han ina sperta fin. All'entschatta scriva Gion Barlac la historia dalla ligiongia che vegneva adina pli liunga, pir ch'ins tagliava giu dad ella. La ligiongia era vegnida aschi liunga ch'ella haveva buca pli plaz da vegnir descretta en tut ils cudischs dil mund. Perquei ha el entschiet ina nova histora. En quella setracta ei d'in um ch'ei vegnius satraus vivs en in vischi ner. Leu ha igl um ponderau ditg e liung ed ei vegnius alla conclusiun ch'ei hagi buca valiu la peina dad esser staus sin tiara per vegnir satraus vivs. Gion Barlac ha scret ina ulertiura historia. En quella historia deva ei in um ch'era tut persuls sil mund. El haveva tut mo per el, denton alla fin eis el morts dalla fom, perquei che tut il nutriment era smarschius. Gion Barlac ha studegiau ora ina nova historia, en quella era in um cun tut las bialas femnas sil mund. Las femnas levan igl um mo per sesezzas ed han sinaquei scarpau igl um en melli tocca. Gion Barlac ha entschiet ina nova historia nua ch'ei deva in um che leva esser Diu. Il davos ein tschiel e tiara i a frusta, perquei ch'ei secapevan buc. El ha aunc in'ulteriura gada entschiet cun ina nova historia, perquei ch'ella era buca buna, denton era gest puspei calau.

Ussa ha Gion Barlac finalmein giu temps e peda da scriver la historia da siu claus. Las steilas, la glina ed il sulegl envida el puspei da niev. Da quella historia ei Gion Barlac staus il pli satisfatgs, perquei ch'ella era la vera da tuttas.

Tgi? Persunas participadas directamein ei mo Gion Barlac. Gion Barlac ei in temeletg, perquei ch'el scappa adina dalla verdad e da ses agens problems. El ha era tema dil stgir. Gion Barlac ei era empau in egoist, perquei ch'en sias historias vegn adina mo ina persuna masculina menziunada ed quei ei adina el. Sias historias reflecteschan ses siemis. El ei era in tec in tip melancolic, perquei ch'el era seretratgs fetg anavos. El sesarva mai enviers auters concarstgauns, perquei eis el era en in claus e quei ei per el siu agen mund. Gion Barlac discuora mai directamain en quella historia. Gion Barlac ha in special dun e quei ei ch'el ha ina gronda fantasia ed cun la quala ch'el vegn era da scriver ina historia suenter l'autra.

Tgi cun tgi? Concarstgauns: - havevan trumpau Gion Barlac - Gion Barlac ha negins amitgs, auter che siu amitg carezau Amitg carezau: - buna e stretga relaziun cun Gion Barlac - Gion Barlac ei trestes darvart sia mort

Nua? L'entira historia gioga el claus. Il claus vegn adina pli pigns, aschi ha el era adina pli pauc spazi da scappar da ses problems. El ei tut persuls el claus ed ha in agen mund senza ina colligiaziun enviers anora. Il passau sesanfla endadens el claus.

Interpretaziun Cunquei che Gion Barlac ha gia stuiu prender encunter bia trumpadas da ses concarstgauns, eis el curdaus en ina ruosna da tristezia. Quella ruosna ei siu mund isolau ch'ei per el sco in claus. Cun la mort da siu amitg carezau ei siu mund daus ensemen. Glina, steilas e sulegl ein stizei. Gion Barlac ei sepiars ella stgiradetgna da siu mund. El emprova da scappar da quella stgiradetgna, denton quei reussescha buca ad el, perquei ch'el scarpetscha adina puspei sur ses problems, ni sco el cudisch, las petgas dil claus. Aschia entscheiva el a scriver historias. Cun la historia dalla ligiongia demuossa el ses problems che daventan adina pli profunds cura ch'el emprova d'untgir els. Perquei ch'el sa ch'el vegn aschia buca da scappar da ses problems entscheiva el ina nova historia. Cun la historia digl um ch'ei vegnius satraus vivs en in vischi ner muossa el ch'el less murir per haver peda daponderar surdar sia veta. Mo era cheu vegn el alla conclusiun che quei gida nuot. La tiarza historia, il giavisch dad esser persuls sil mund, ei denton era buca la sligiaziun da scappar dallas trumpadas ch'ils concarstgauns han caschunau, perquei che tuts drovan carstgauns che gidan ins ad ina buna veta sociala. Aschia ha el realisau ch'el drova era concarstgauns ed ha scret la historia digl um ch'era persuls sil mund cun tut las bialas femnas dil mund. Denton aschia sa el era buca surviver, perquei ch'ei dess memia biars conflicts denter quellas femnas. La davosa historia, digl um che leva esser Diu, ha el sez realisau ch'el fuss buca cuntents ella rolla dil Diu tutpussent. Ussa ei nuot pli vegniu endament ad el ed el ha entschiet a scriver sia atgna historia. Aschia eis el seconfrontaus cun ses problems ed ha realisau che mintga carstgaun sto confessar certas trumpadas. Ussa ha el puspei survegniu la curascha dad ir ora el mund. Siu mund ei puspei sestendius perquei che Gion Barlac ei secunfrontaus cun la verdad. Il il messadi dil text ei ch'ins sto secunfrontar e vegnir a frida cun la verdad e buca sezuppar davos la irrealitad.

Gion Barlac cumpra in auto[modifitgar | modifitgar il code]

La fabrica d'autos Nova producescha ina massa autos per onn. Ina massa glieud gudognan lur daners en quei stabiliment, denton ch'aschi biars sappien luvrar leu, ston era ina massa autos vegni vendi. La reclama ei perquei fetg impurtonta. Gion Barlac da Tardastga lavura en ina scrinaria sco cauluvrer e siemia era da cumprar in auto. La reclama scaffescha ils siemis dils carstgauns. In di anfla el en la scaffa da brevs ina gonda copia e quei ei adina in grond eveniment tier il Barlacs, aschia che tuts serimnan entuorn meisa. Igl ei in prospect dad autos. La famiglia sfeglia pagina per pagina, admira fuormas, studegia las recumondaziuns e savura il fried da colur frestga che vegn dil prospect. Els discuteschan tgei auto ch'els duessan cumprar. Il Nova Universal ei memia bienmarcau ed aunc digl onn vargau. Il Nova Ultra fuss tenor il manegiar dalla mumma e dils affons la dretga elecziun. Ei dat ina gronda discussiun e mintgin emprova da perschuader ils auters. En il radio vegn ei gia reclama per il Nova Ultra. Suenter tscheina dislochescha l'entira valischa en stiva per mirar televisiun. Denton la discussin digl auto niev continuescha. La mumma vul mo haver il meglier dil meglier ed il pli niev ch'ella sappi far in tec da grond. Il bab perencunter ei plitost quel che mira sin las finanzas e dierma ina notg sur l'entira caussa. El ei denton ton sco pers, perquei che ses siemis ein plain digl Nova Superiour. In bi di seferma in representat dalla auto Nova avon casa dils Barlacs. Ils Barlacs astgan far ina cuorsa d'emprova cun il Nova Superiour. Els tuornan e tarlischan sco maranghins. Il representant pachetescha ora in contract ed el numna aunc inagada tut las innovaziuns per che Gion Barlac cumpri igl auto. Gion Barlac cumpra finalmein igl auto, denton ha el in grond schoc.

Gion Barlac fa termagls cun la maschina[modifitgar | modifitgar il code]

Gion Barlac ei in da quels tips che ha adina giu gust per la maschina. Ina calamita tut speciala denter las maschinas ed el. Gia il bab dad el fuva in um fetg inschignus. La famiglia Barlac era adina tecnicamein in pass ordavon a lur vischins. Els havevan in beinpuril modern. Tut las lavurs ein vegnidas mecanisadas. Cura che Gion Barlac haveva vegn onns era gia tut mecanisau, denton el leva aunc adina dapli. Mo dapli mava cun la megliera bunaveglia buc. Perquei eis el s'engaschaus sco manischunz da camiun ed el ei perfin daventaus in autist exemplaric, era sch'el haveva strusch dumignau la teoria. La lavur ei denton fetg stentusa ed el mida siu post entaifer cuort temps. El vegn manischunz da trax. El ei loschs da saver luvrar cun in grond trax american e quei raquenta el era la sera ella ustria a ses collegas. Suenter in miez onn eis el denton buca pli cuntents cun sia lavur ord differents motivs. El vegn manischunz d'ina limusina da luxus el marcau. Denton il tun dalla limusina disturba el suenter in cuort temps ed el anfla ina nova plazza en ina fabrica da maschinas. El ha da luvrar davos ina tschenta da transport ed ha da far igl entir di il medem. El savess bunamein sedurmentar. El vuless bugen in post da controllader e buca d'in sempel luvrer. Il pli gond siemi da Gion Barlac ei igl aviun. El ha survegniu in post entras buns contacts cun persunas impurtontas en ina halla da montascha per aviuns. El patiarla adina sco sch'el fuss silmeins il directur dalla fabrica. Siu saung pulsescha en la cadenza dalla maschina, siu tschurvi rudimentar ei in surrogat dalla maschina. El ei in fanaticher da maschinas. Aschia vesan ins era tgei ch'in sempel um dil pievel sa prestar, senza tut las scolas. El selai titular en siu vitget grischun: "Signur pilot Gion Barlac, um dalla pratica!"

Gion Barlac fa in pop[modifitgar | modifitgar il code]

Gion Barlac ha entuorn 30 onns, ei catolics, ei maridaus cun la Duscha e da buna famiglia. El sa bain romontsch e fa era en mintga cass diever da las expressiuns duidas. El di alla Duscha ch'el lessi far oz in pop, aschia vegn ina damonda el discuors, numnadamein co scheva quei pli baul il tat alla tatta. Pli baul spitgavan ins entochen ch'ei fuva stgir e serava ils barcuns. Il bab damonda sch'els lessien far l'obligaziun da famiglia, quei ch'ei pli civilisau che quei dil tat. La generaziun da Gion Barlac damonda quei denton fetg direct, perquei ch'els mavan entuorn pli aviert cun las temas e problems. Gion Barlac vuless gie schizun aunc far dapli l'amur cun sia Duscha, mo lezza vesa ei mo sco ina obligaziun che astga buca vegni duvrada sco plascher. Ella ei en quei grau intec pli conservativa. Gion Barlac e la Duscha han gia entgins affons. Gion Barlac fa schizun part ad in cuors dalla lètg tier in pader fetg liberal en il grau dall'amur. Il pader manegia che quei fetschi vegnir cuntents tuts ed ins stoppi buca haver tema da vegnir egl uffiern. Gion Barlac raquenta quei alla Duscha e vegn da perschuader ella da far pli stedi l'amur ed aschia survegnan els aunc dus pops. Els enqueran ussa ina sligiaziun ch'els survegnan buca aunc daplirs affons. La pérla vegn per els, denton tenor la baselgia da quest temps, buca en damondaSintaxa.

Gion Barlac traversa il sumfil[modifitgar | modifitgar il code]

Tgei dat en egl? Tgei che dat en egl il pli fetg a mi ei, tgei che la Babetta ha da far cun quella historia. La historia lai en general biaras damondas aviartas cunquei ch'ei dat lu era aschia ina massa pusseivladads dad interpretar quella historia. Ei dat mo in um, denton duas dunnas. Tgei ch'ei aunc fetg marcant en quella historia ei ch'el descriva part per part il sumfil.

Co? La historia ei buca construida cronologicamein. Ei dat in raquintader "el". La vart seniastra dil sumfil ha la valeta sco la mort e la dretg dalla veta. La vart seniastra ei fetg malsegira, perquei che leu va la lavina giu e destruescha tut quei ch'ei entapeis ad ella e la vart dretga ei fetg uliva.

Cura? Il temps cura che quella historia capeta ei en igl unviern. Il temps che vegn menziunaus ella historia ei in onn suenter ch'el era ius cun skis cun Babetta ed in onn avon ch'el vegn a mardar Lisetta. Tut las acziuns schabegian enteifer 30 minutas. Raquintau vegn ei denton era surdar caussas ch'ein gia vargadas in onn ed era caussas che vegnan per a capitar en in onn.

Tgei? Gion Barlac ei vegnius anavos en siu vegl vitg alla sepultura da sia ex-conscolara Babetta. El ha priu la caschun per far ina tura da skis cura ch'ei era bial'aura. Gion Barlac fa resultar ina lavina mo el sez traversa il sumfil saun e salv. Lisetta, sia consorta dil futur, ei vegnida cun el en il vitg. Ella ha denton buc accumpignau el sin sia tura da skis sil sumfil.

Tgi? Gion Barlac ei in tip segir ed fetg fideivels, denton eis el era in egoist ed sa esser cun ses patratgs tut enzanua auter sco ei vegn era descret entginas gadas ella historia. Tier Lisetta vesan ins ch'ella ei fetg marvegliusa e scuidusa. Ella ei era in tec sarcastica. Babetta ei morta.

Tgi cun tgi? Gion Barlac - Lisetta: Vegnan a marridar en in onn era sche Gion Barlac vul aunc spitgar Gion Barlac - Babetta: ein ex-conscolars

Nua? Quella historia gioga en in vitg muntagniart. Gion Barlac ei sin in cuolm sin la vart dalla mort, denton el surpassa il sumfil e va sin la vart dalla veta. Tut las scenas ein ordaviert ed la atmosfera ei plitost patgifica.

Interpretaziun

Quella historia vul dir dad buca dar si memia spert. Ins sto semplamein dar peda a quella glieud e buca vuler stuschar els memia spert vinavon. Els drovan temps da serevegnir da lur aventuras. Gion Barlac era all'entschatta era sin la vart stgira, perquei che sia conscolara ei morta. El ha denton giu avunda forza da vegnir silla vart dalla veta. Gion Barlac vul era buca seligiar memia spert cun Lisetta, perquei ch'el drova aunc temps da luvrar si tut il siu passau.

Gion Barlac ha concepiu[modifitgar | modifitgar il code]

Gion Barlac ei vida ponderar. El studegia sch'el duess cultivar vinavon quella nova sort da fretg, ni sch'el duess ragischar ora quella diltutafatg. El sa buca sch'el duess ir a dumandar per il meini d'in specialist sche quei fretg sappi insuma vegnir ora enzatgei bien ni sch'ins sappi insuma cultivar quel. El sedecida da spitgar e cultivar vinavon quei schierm. Mo la tensiun crescha, perquei ch'el sa buca propi tgei che vegn ord il siu niev coc.

Gion Barlac fa in viadi[modifitgar | modifitgar il code]

Gion Barlac ei alla staziun. El viva en in vagun dil tren. In di vegn quei vagun pendius vid la locomotiva ed el entscheiva ad ir plaunet, denton Gion Barlac sedecida dad ir vinavon quei viadi cul tren e buca da siglir giu. El va atras staziuns, vitgs e marcaus enconuschents ed pli tard era nunenconuschents. Cura ch'el ha realisau la spertadad ch'il tren haveva gia, leva el siglir giu. Ni leva el gnanc quei? Il tren vegneva adina pli sperts ed mava pli e pli lunsch el lontan. El viagescha dis e notgs el tren, pitescha fom e seit, denton va el vinavon. El va ad in ir ed cala buca da viagiar vinavon cul tren, perquei ch'el vul veser enzatgei niev.

Gion Barlac e las fluras[modifitgar | modifitgar il code]

Gion Barlac ei tut fascinaus dallas fluras. El descriva co ellas ston vegnir tractadas e carsinadas. El careza fluras. La flura seigi in bien exempel per la veta. Ellas drovan da beiber e ston era vegniRepetiziunSbagl carsinadas da tut cor, denton enzacu ei era mintga veta alla fin. Sinaquei vegnan gia puspei novas fluras per ch'ins sappi selegrar.

Gion Barlac setschenta[modifitgar | modifitgar il code]

Gion Barlac ei in pilot ed sgola aschi ault ch'el survegn strusch pli flad, perquei che l'aria ei aschi fina. El ei tschurventaus d’il sulegl. Gion Barlac less setschentar, denton ei mo in pign e stretg port libers. El setschenta e sclauda il motor, sinaquei sedamona il lectur dil cudisch cura ch'el vegn puspei a sgular. Il carstgaun leva gia adina saver sgular e per Gion Barlac ei quei enzatgei dil pli normal.

Gion Barlac entra[modifitgar | modifitgar il code]

Tgei dat en egl? Gion Barlac fa en l'entiraOrtografia historia nuot auter ch'entrar en autras stanzas. El va adina mo vinavon atras escha.

Co? Ei dat in raquintarder che descriva mintgamai il proxim pass da Gion Barlac.

Cura? Il temps cura che quella histora ei succedida san ins buc. Il sulet indezi ch'ins ha ei ch'ei schabegia enzacu la damaun cura ch'ei fa giest dis. Con ditg che l'entira historia va ei era grev da calcular. Il temps ch'ins drova da leger ei tenor miu manegiar ei tuttina pli cuorts che tut la scenaria da Gion Barlac.

Tgei? Gion Barlac ei vegnius baul la damaun cura ch'ei fa dis. El ei entraus dad il stgir el clar en ina da ventgatschun portas. Cura ch'il sulegl dalla damaun sclarescha atras ils veiders ha el la curascha da caminar en la proxima combra. Igl ei in deletg da traversar aschi differentas stanzas. Las stanzas grondas cun lur differentas colurs fan buna luna ed el entscheiva ad ir pli spert. L'escha davos el sesiara da sesez e Gion Barlac realisescha ch'el sa mo ir anavon pli. Mintga esch ch'el vul arver va adina pli vess e l'atmosfera vegn pli e pli pesonta. Gion Barlac sto ruassar. El cuntinuescha, stanza per stanza. L'aria vegn adina pli satella e las stanzas pli pintgas e stretgas. Gion Barlac moderescha siu pass, denton vegn el sco stuschaus adina vinavon. Ei ha mo pli ina glisch graschla e bunamein stgira. La temperatura tschessa adina pli fetg. Gion Barlac cuntinuescha denton siu viadi era sch'el ha in pass tremblont e malsegir. El vegn en in liung corridor cun pauca glisch. Quei corridor ha ventgatschun posts senza escha. Quels posts vegnan era adina pli bass e stretgs. Alla fin dil corridor vesa Gion Barlac ina glisch falombra ed el sepalpa atras ils posts per contonscher quella glisch el lontan.

Tgi? Dalla persuna principala enconuscha il lectur era buca la massa. El vegn buca caracterisaus direct ni inderect entras il raquintader.

Tgi cun tgi? En quella historietta dat ei neginas autras persunas che Gion Barlac.

Nua? Las scenas dalla historia sesanflan en ina casa fetg gronda. Ella sto haver ventgatschun stanzas grondas ed in corridor fetg liung.

Interpretaziun Il messadi da quella historia ei ch'ins duess adina ir vinavon atras la veta. Ins sto adina ir anavon, perquei ch'ins sa buca strubegiar il temps anavos. Ins sto adina patertgar vid il futur era sch'ei vegn ad ir cun ins in cert temps empau pli schliet ch'enzacu auter.

Gion Barlac sortescha[modifitgar | modifitgar il code]

Gion Barlac fa en l'entira historia nuot auter che sortir. El sortescha per exempel da sia combra, siu vitg ni da sia tiara. Lu sortescha el dad in letg, d'in hotel e lu d'in marcau. El sortescha aunc entschinas gadas, entochen ch'el entra bufatg en sia tiara. Sinaquei sortescha Gion Barlac buca pli.

Gion Barlac va sin la glina[modifitgar | modifitgar il code]

La carstgaunadad ha fatg gronds progres en tut las scienzias e quellas paran oz dad esser fetg semplas e capeivlas. Il mund ei daventaus adina pli pigns entras la globalisaziun e las steilas ein daventadas contonschiblas. Era Gion Barlac ha muostgas da far sias cambrolas egl univers. El ei in che ha piars tut las mesiras per tut las pusseivladads e che vul traversar mintga cunfin. Denton ei Gion Barlac in tecl in tappalori, perquei ch'el vegn strusch da carrar in auto e scarpetscha adina puspei sur ses agens peis. El ei in che pren tut quei ch'el po tier. Gion Barlac ei in carstgaun cun grondas visiuns. El manegia ch'el seigi il meglier sin quest mund, denton la verdad muossa ch'el ei era mo in carstgaun. El ei in professer, denton in che sa nuot, mo in che manegia ch'el sappi tut. El ei in carstgaun ch'ei setratgs empau anavos ed ad el emporta ei era nuot tgei ch'ils auters manegian dad el. El ei staus tenor la historia dus onns e dus meins ella atmosfera dils astronauts. Alla fin da quella historia ha el anflau il pli impurtont ch'in carstgaun sa posseder, numnadamein da saver viver ensemen cun ils concarstgauns.

Gion Barlac pren decisiuns[modifitgar | modifitgar il code]

La historia entscheiva che Gion Barlac ei en ina stizun da calzers e sa buca propi sedecider denter calzers aults ni bass, ners ni brins, sola da gumma ni da curom, fuorma rodunda ni quadra. Alla fin sedecida el da prender in calzer bass, brin ed in ault, ner. Silsuenter less el viandar atras il marcau tier la staziun da tren, denton el sa buca sch'el duessi ir atras il macrau niev ni vegl. Aschia viagescha el atras il miez marcau, aschi ch'el ei suenter staunchels sc'in tgaun. El less ir en ina ustria e sa puspei inagada buca sedecider tgei ch'el duess empustar. Cura ch'el ha finiu da magliar, va el sil perrun dil tren ed entra silsuenter el tren, denton cuort avon saveva el aunc buca en tgei direcziun ch'el duess propi ir. Il tren siara la porta ed en quei mument ha el realisau ch'el ha emblidau sia valischa sil perrun.

Gion Barlac ha ina spina[modifitgar | modifitgar il code]

Gion Barlac ei in um vegl. El ei vegnius malsauns e cloma in miedi perquei ch'el ha mal vid ina costa. La diagnosa dil miedi ei ch'el ha ina spina da fier. Il miedi dat sinaquei in etg a Gion Barlac. Quei etg gida denton nuot, aschia che Gion Barlac cloma in secund miedi che di ch'el hagi ina spina da lenn e dat sinaquei aunc ina gada in etg, denton quella ga in auter. Denton quel gida era in quex, aschia ch'el lai aunc inagada vegnir igl emprem miedi. El survegn plaunsiu ina infecziun. Quella infecziun sederasa sigl entir tgierp. Tuttenina senta el ch'el ha mal dapertut e lura realisescha el ch'el seigi forsa gie buca pli il pli giuven. Sch'ils miedis san buca gleiti co prender ora quella spina da lenn ni da fier ch'ei aschi profunda, sche lu sto Gion Barlac murir pervia daOrtografia sia infecziun.

Gion Barlac fa politica[modifitgar | modifitgar il code]

Gion Barlac ei da derivonza paupra, quei ch'ei d'avantatg da far politica. Aschia emprendan ins da sedefender. Siu bab era gia in um manual. Gia en scola primara ei el sedistinguius muort sia ambiziun malediva, sia malignadad ed ina agressiun murdenta. Per en las classas pli aultas eis ei denton reussiu ad el da segirar ina posiziun singulara. Gion Barlac ei vengius termess al seminari da scolasts. Gion Barlac ei vegnius il meglier scolar da sia classa ed ha bandunau il seminari cun ina patenta briglianta. El ha dau dus onns scola en in vitg muntagnard. Gion Barlac leva contonscher la pussonza totala sur dils auters e la renconuschientscha nunrestrinschida. La metoda ed ils remiedis leutier eran per el tuts lubi, els ston mo menar il pli spert pusseivel tier la realisaziun da ses siemis absolutistics.

Gion Barlac ha mazzau il procuratur public[modifitgar | modifitgar il code]

Igl ei tschun avon mesanotg. Gion Barlac sededesta e semeina sin l'auter maun. Sper el dierma sia dunna Duscha. Gion Barlac ha gest mazzau il procuratur public, perquei ch'il procuratur public leva dar a Gion Barlac treis onns casaforz perquei ch'el hagi surmenau la Mierta ch'ei aunc buca maiorena. La pli gronda vargugna ei che Gion Barlac ei maridaus. El pretenda ch'el hagi mai surmenau enzatgi, la Mierta era sezza era d'accord. Gion Barlac haveva adina retenientschas. Gion Barlac manegia ch'il procurader public havessi era saviu surmenar la Mierta ed era aunc autras. Tuttenina seregorda Gion Barlac pér da dretg. El haveva mo s’imaginau ni semiau ch'el ha giu la Mierta ed ch'el hagi mazzau il procuratur public. Gion Barlac dat in segl ord letg e cloma ch'el hagi mai mazzau il procuratur public, denton damaun vegn el a mazzar el.

Gion Barlac e las litgivas[modifitgar | modifitgar il code]

La historia setracta d'igl ir a pesca, denton ei Gion Barlac el medem mument en sia combra. Gion Barlac leva e vegn ord il letg, era sch'el stess aunc il pli bugen in tec en letg cauld sper la Duscha. Gion Barlac va e trai ora ina litgiva che ha il crutsch ch'ei penetraus profund e sortescha sut ils egls. La Duscha emprova da trer el puspei en letg. Ella ha bugen litgivas ed taglia adina si il venter e sortescha la beglia ferton che la litgiva dat aunc la cua. Gion Barlac ha plitost disgust da litgivas. Gion Barlac tuorna anavos el letg cun mauns freids. La Duscha sedurmenta puspei.

Gion Barlac mira en in lag[modifitgar | modifitgar il code]

Gion Barlac ei staunchels da siu viadi ch'era fetg stentus ed aschia sedecida el da far in paus alla riva d'in lag. El enquera il fazalet, el anfla denton els sacs mo in marti, in tilastrubas, in mogn ed autra ferradira ch'el betta silsuenter el lag. El ei tut surstaus cura ch'el constatescha che la ferradira nega buc. El constatescha ch'il lag ha glatsch e quei da mesa stad. Cura ch'el fa ils emprems pass sil glatsch s’encorscha el che quei ei itschal. El ei tut perlex. Gion Barlac fui. El vesa igl entir mund entuorn el mo pli dad itschal e da fier, tut ei vegniu motorisau, schizun ils carstgauns e la natira sezza. El vesa ch'el ha sez era en in vestgiu da metal impermeabel. El vesa sesez co el ei vegls ed vegn demontaus toc per toc suenter ch'igl ieli ei vegnius tratgs giu. Cun ina racheta vegn l'entira bagascha lu sittada directamein enta parvis d'itschal. Gion Barlac ei ussa da l'autra vart dil lag. El ha il fazalet tschuf enta maun ed ei tut schocaus da siu siemi. El spida el lag ed ei bi leds da veser ils rudials che s'allontaneschan bufatg.

Gion Barlac ed ils analfabets[modifitgar | modifitgar il code]

La glieud sempla emprenda ella scola obligatorica da leger e scriver, denton cura ch'els ein ord scola drovan els aschi pauc quella metoda da communicar ch'ei emblidan puspei ella. Els vegnan analfabets. Gion Barlac era in luvrus buob e tuts manegiavan ch'el mondi in di a studegiar, quei ch'el ha era fatg. Tuts schevan ad el ch'el sappi buca far pli caussas manualas, aschia ch'el ha encuretg schurmetg en ses cudischs. El ei vegnius in analfabet social, perquei ch'el saveva buca sedar giu cun la glieud. Gion Barlac era denton in curios studiau, perquei ch'el carteva vida nuot, el saveva s’imaginar nuot ed sedumandava adina, sche quella caussa sappi insuma esser pusseivela. El ei vegnius in analfabet estetic.

Gion Barlac fa cultura[modifitgar | modifitgar il code]

Gion Barlac ei in tec in psicopat en quella historia. El vul destruir la cultura temporana e remplazzar quella cun la cultura che mintgin producescha sez sias caussas ch'el drova. El smeina all'entschatta ses calzers e silsuenter vin e paun da finiastra ora, perquei che buc el ha inventau e construiu quels utensils, mobein auters. El lai ir ora igl ieli dil scaldament e brischa giu sia casa, perquei che buc el ha baghegiau la casa ni explotau igl ieli. El lai ir siu auto d'ina spunda giu ed va a pei enviers il marcau. El entscheiva a destruir las cazzolas dalla via, denton vegn el alla conclusiun ch'el vegn mai a pli mai da remplazzar quella cultura cun la sia. Aschia vul el far fin cun sia veta e vul siglir sut il proxim tram. El realisescha denton ch'el sto all'entschatta aunc destruir la pli pintga particla da tutta veta, numnadamein igl atom. Aschia semetta el sin via per arrivar leu, nua ch'ei fendan igl atom dallas olmas.

Gion Barlac less rumper cadeinas[modifitgar | modifitgar il code]

Gion Barlac ei ligiaus vid cadeinas, d'ina vart cun siu bab e da l'autra cun sia mumma. El ha negina libertad ed ei restrengius fetg en sia veta dil mintgadi. El vegn corporalmein denton era spirtalmein adina pli e pli ferms e cura ch'el manegia da vegnir da liberar sesez enquera el ina clamada. El vegn pur, silsuenter mida el enzacontas gadas plazza. El vegn adina dapli sur sesez, denton cura ch'el ei memia libers ed fa caussas malgestas tilan ils geniturs puspei vid las cadeinas.

Gion Barlac ha tema[modifitgar | modifitgar il code]

Gion Barlac less far fin e metta il revolver encunter la tempra, denton ughegia el buca da smaccar, perquei ch'el ha tema dalla mort denton era dalla veta. El ei en in dilema. Gion Barlac siara l'escha ed ils barcuns tut a dubel, perquei ch'el ha tema dils assassins e laders. El ha denton era tema dad esser persuls. El fui ora ella fuola da glieud, perquei leu ha el tema dils bacils e scappa aschia ch'il policist pren a ferm el perquei ch'el ei fugius. El ha raquintau l'entira historia al policist e lez ha termess el cun pastuiras en la casa da narradira. Gion Barlac ha tema dils psichiaters e la narradira ed aschia scappa el puspei. El fui en ina claustra, nua ch'ils paders muossan ad el co el sa cumbatter la tema cun la religiun. El empren aschi biars psalms ch'el ha puspei tema. Tema da Diu. El fui ord la claustra. El stat agl ur dalla via ed ha piars la gnarva ed ei tut sterics. Tuttenina eis el s’inamurausOrtografia ed el ha piars la tema. In di denton vegn la secunda generaziun da tema anavos. La tema per ils affons. Las notgs d'amur ein stezzas e la tema definescha puspei la veta da Gion Barlac. El vesa in di ina gasetta da marijuana nua ch'ei stat scret ch'ei sappi procurar per visiuns misticas. El fui puspei naven. Tuttenina sedecida el da prender marjiuana ed aunc autras drogas fermas. El vegn en in tut in auter mund e vesa tuns da colur che sgolan entuorn el, mo enzacu crodan las notas da colur per tiara ed ei vegn tut ner. El emprova da cumbatter la stgiradetgna cun purziuns pli frequentadas e pli fermas, denton la tema sedublegia era. Las fatschas daventan mascras diabolicas ed el grescha sgarschurs da temas. Gion Barlac sepervesa adina puspei cun drogas. El fui e croda en ina profunditad nera senza funs, ella tema dallas temas, la mort.

Lungatg[modifitgar | modifitgar il code]

Theo Candinas scriva quellas historias cun in code elevau. El ha in fetg bien scazi da plaids. Sias historias ein per il lectur bein capeivlas, era sch'ei ha denteren entgins plaids nunenconuschents ni plaids pli vegls. Tgei che fa vegnir cumplicau il text, ein las metafras ed ils simbols, denton ei quei puspei ina certa eleganza che setila atras igl entir cudisch. Las construcziuns sco talas ein en tut priu cuortas e semplas. En entginas historias da Gion Barlac dat ei in discuors direct, denton en las biaras vegn mo raquintau tgei che Gion Barlac ni las autras persunas fan. En entginas historia dat ei zun fetg en egl che Theo Candinas ha ina fetg gronda fantasia e quei dat lu in grond spazi d'interpretaziun. En entginas historias dat ei buca propi ina entschatta ed ina finiziun, las historias entscheivan enameiz la sceneria. Nua e cura che quellas scenarias schabegian vegnan pil pli era buca menziunadas. Theo Candinas scriva en entginas paucas historias era notizias en parantesas.

Biografia e bibliografia[modifitgar | modifitgar il code]

Theo Candinas ei naschius il 19-12-1929 a Surrein. El ei in fegl d'in scolast e pur. El ha fatg la patenta da scolast primar e silsuenter eis el staus a studegiar alla universitad da Friburg, Paris e Perugia ed ha instruiu en scola secundara da Cuera. Dapi 1991 viva Theo Candinas el Tessin sco schurnalist e scribent. El era engaschaus en entginas uniuns ed associaziuns. Theo Candinas scriveva gia sco scolar dalla scola primara. El ha ina vasta spezia dad ovras litteraras sco per exempel ils geners da prosa, lirica, dramatica, cabaret, giugs auditivs ed aunc ulteriuras ovras. El ha presentau numerusas gadas nies lungatg romontsch e nossa cultura en la Svizra. El ha era gia survegniu ulteriursVocabulari premis. Maria Madleina, Tè-Tu à e las Historias dil Parler Pign ed autras bialas ein entginas da sias pli enconuschentas ovras ch'el ha publicau. Register da cuntegn

Resumaziun da Gion Barlac fa in Pop[modifitgar | modifitgar il code]

  • Gion Barlac, 30, romontsch, catolic, famiglia (maridaus cun Duscha)
  • Oz lein nus far in pop -> Wir wollen uns lieben -> Let's make love! -> Nous voulons nous ameir, cherie!--> ils franzos ei il pievel cun la pli aulta cultura*
  • Tat: Pli baul spitgavins tochen ch'ei fuva stgir, serrava ils barcuns e ...!
  • Bab: "Lein far l'obligaziun da famiglia?"-> quella generaziun pli civilisada che quella dil tat
  • Gion Barlac:"Lein far in pop?" (da giuven "lein" ni "tscha")generaziun pli lucca, mava entuorn pli aviert cul tema
  • Gion Barlac vuless bugen far dapli l`amur cun sia Duscha, mo lezza vesa ei mo sco ina obligaziun che astga buca vegnida duvrada sco plascher
  • Gion Barlac e Duscha han gia entgins affons, ord l`obligaziun resulteschan affons
  • el ha fatg part ad in cuors dalla giuvna lètg tier in pader modern
  • Il pader ha manegiau che sch`ins fetschi l`amur segins pli cuntents e vegn tuttina en parvis (vul d ir ch`ei era buca scumandau)
  • Gion Barlac vegn da perschuader Duscha ed els fan pli stedi amur (ei ha aunc dau 2 pops)
  • Els havevan avunda da plirs pops, enqueran ina sligiaziun
  • la pérla vegn en damonda


La historia ei vegnida screta igl onn 1975. Da quei temps era il tema "amur" tabu. Tenor la baselgia vegneva la pérla buca en damonda

Funtauna[modifitgar | modifitgar il code]

  • Deplazes G., Funtaunas, Istorgia da la litteratura rumantscha per scola e pievel, tom 4, Lia rumantscha, Cuira, 1993