Baselgia reformada da Pitasch
|
Questa pagina è scritta en sursilvan. |
La baselgia reformada da Pitasch s’auda tier l’uniun da pleivs (cuminonza da pastoraziun) Luven-Flond-Pitasch-Duvin e stat sut protecziun dil cantun Grischun. Ella ei dedicada al sogn Martin.
Historia ed indrez
[modifitgar | modifitgar il code]La baselgia ei vegnida baghegiada denter 940 e 960. Tenor in document vegl digl onn 960 ha igl uestg da Cuera survegniu la baselgia. La clutgera romanica deriva ord igl 12avel tschentaner cu ch’inc ha era baghegiau entuorn la baselgia el stil romanic. Quei baghetg ei setenius nunmidaus tochen il gi dad oz. Entuorn 1340 ha il meister da Vuorz scaffiu ils maletgs da sogn Cristoforus e sogn Martin. Impurtont ein era ils maletgs el cor dalla baselgia, cun in grond Cristus pantocrator embelliu culs 4 evangelists. Giusut stattan il 12 apostels. Il crap da batten deriva ord il 15avel tschentaner. Entuorn 1550 han ils vischins da Pitasch introduciu la reformaziun. La scantschala ei vegnida construida igl onn 1686. La baselgia ei circumdada cun in santeri.
L’organisaziun dalla pleiv Pitasch
[modifitgar | modifitgar il code]Pli baul, tochen igl onn 1942, ha Pitasch formau ina pastoraziun cun Duin e Riein, suenter mo pli cun Duin. Dapi 2014 exista in’uniun da pleivs Luven-Flond-Pitasch-Duvin. Il plevon da quella uniun da pleivs stat si Luven ella Casa pervenda. Tut quellas pleivs s’audan tiel colloqui „Sur igl uaul“ ed ein ina part dalla baselgia reformada dil Grischun.
Litteratura
[modifitgar | modifitgar il code]- Ludmila Seifert-Uherkovich, Leza Dosch: Kunstführer durch Graubünden. Ed. dalla Gesellschaft für Schweizerische Kunstgeschichte. Casa editura Scheidegger & Spiess, Turitg 2008, ISBN 978-3-85881-216-2.
- Denise Ellenberger: Kirche Pitasch GR. (Schweizerische Kunstführer, nr. 432). Ed. dalla Gesellschaft für Schweizerische Kunstgeschichte GSK. Bern 1988, ISBN 3-85782-432-8.
Colligiaziuns
[modifitgar | modifitgar il code]
Commons: Baselgia reformada da Pitasch – Collecziun da maletgs, videos e datotecas d'audio