Colloqui (Grischun)

Quist artichel es scrit in rumantsch vallader

La baselgia a Tumein tocca p.ex. al colloqui I 'Surselva'

Ün colloqui significha i'l chantun Grischun ün organ uffizial da la baselgia evangelica refurmada dal Grischun. Il chantun Grischun es parti aint in desch colloquis chi s'extendan sur tuot il territori e chi cumpiglian var desch raspadas in üna regiun. Ils colloquis dessan colliar las plaivs singulas culla baselgia chantunala ed intermediar ils interess differents. Commembers dals colloquis sun ils ravarendas (uffizialmaing), laics elets sco rapreschantants da las corporaziuns evangelicas ed ils politikers refurmats dal Grand Cussagl chi han voluntariamaing declerà lur prontezza da collavurar.

Proceduras da consultaziun van adüna la via sur ils colloquis avant cha üna ledscha ecclesiastica aintra in vigur.

Las tschantadas dals colloquis han lö duos jadas l'on, la prümvaira e l'utuon.

Colliaziuns

• L'instituziun dals colloquis sülla pagina d'internet ufficiala da la baselgia evangelica refurmada dal Grischun