Catechissem da Heidelberg
|
Questa pagina è scritta en puter. |
Il catechissem da Heidelberg es la scrittüra da confessiun la pü renomneda e pü deraseda da las baselgias refurmedas infra la famiglia dal protestantissem. Sieu autur d'eira il teolog refurmo da l'universited da Heidelberg Zacharius Ursinus chi seguaiva ün'incumbenza dal prinz electur calvinistic dal territori da la Pfalz Friedrich III.
Cuntgnieu
[modifitgar | modifitgar il code]Il Catechissem da Heidelberg cumpiglia 129 dumandas e respostas chi pon gnir partidas aint in trais parts:
- Da la misergia da l'umaun (= la recugnuschentscha dals pchos e dals dbits)
- Dal salvamaint da l'umaun (= la recugnuschentscha dal spendramaint e da la tschertezza da salvamaint)
- Dal ingrazchamaint (= ün'etica dal cristiaun scu ün umaun arcugnuschaint)
Importanza
[modifitgar | modifitgar il code]L'orizont temporel
[modifitgar | modifitgar il code]Il Catechissem da Heidelberg cultivescha ün tun fich moderat vers ils aderents da Martin Luther - eir causa cha la majorited dal protestantissem in Germania da quel temp d'eira luterauna e la pêsch religiusa d'Augsburg permettaiva insè i'ls territoris dal imperi sench romaun da la naziun tudas-cha be las confessiuns dals catolics e dals luterans. In seguit d'eiran ils refurmos sfurzos da's confesser adüna scu luterauns.
Recepziun
[modifitgar | modifitgar il code]Generaziuns da confirmands haun imprais ourdadour l'inter catechissem u però parts. Impustüt la prüma dumanda e resposta vegnan consideredas auncha hozindi scu expressiuns classicas d'üna cretta evangelica magiurena.
Litteratura
[modifitgar | modifitgar il code]Ediziuns
[modifitgar | modifitgar il code]- Der Heidelberger Katechismus, ed. da la baselgia evangelica refurmeda (Sinoda da raspedas evangelicas refurmedas in Bavaria e Germania dal nordvest), Ediziun renoveda. Neukirchener Verl., Neukirchen-Vluyn 1997 ISBN 3-7887-1570-7
- Der Heidelberger Katechismus, ed. dad Otto Weber. Gütersloher Taschenbücher Siebenstern 1293. 5evla ed. Gütersloher Verl.-Haus, Gütersloh 1996 ISBN 3-579-01293-2
Litteratura secundara
[modifitgar | modifitgar il code]- Alfred Rauhaus: Den Glauben verstehen. Eine Einführung in die Gedankenwelt des Christentums anhand des Heidelberger Katechismus (= Incler la cretta. Üna introducziun aint il muond d'imaginaziuns dal cristianissem cun agüd dal catechissem da Heidelberg). Foedus-Verl., Wuppertal 2003 ISBN 3-932735-77-3
- Thorsten Latzel: Theologische Grundzüge des Heidelberger Katechismus. Eine fundamentaltheologische Untersuchung seines Ansatzes zur Glaubenskommunikation (= Trats caracteristics teologics dal catechissem da Heidelberg. Ün'analisa teologica fundamentela da sia disposiziun d'üna communicaziun crettaivla) Marburger theologische Studien 83. Elwert, Marburg 2004 ISBN 3-7708-1259-X