Martin Luther

Ord Wikipedia
Questa pagina è scritta en vallader.
Martin Luther sün ün purtret da Lucas Cranach i.v.

Martin Luther (nat als 14 da november 1483 ad Eisleben, mort als 18 da favrer 1546 a listess lö) d'eira il refurmatur da Germania e - sainza vulair - il fundatur da las baselgias evangelicas e dal protestantissem. El toccaiva a l'uorden da muong dals augustiners e lavuraiva a l'università da Wittenberg sco ün professer da teologia biblica, in quist connex eir sco predichant a la baselgia da cità (Stadtkirche).

Teologia[modifitgar | modifitgar il code]

Università da Wittenberg

Sia posiziun teologica es caracterisada da la concentraziun sün Gesu Crist crucifichà e resüstà. A mincha speculaziun davart l'esser da Dieu sur da Gesu Crist oura renunzcha'l. Sia vopna persunala, la rösa da Luther, declera seis impissamaints in fuorma d'ün simbol. Da grand'importanza es per Luther cha Dieu agischa na per sai svess, bleranzi per nus, quai voul dir a favur dals umans chi sun insè puchaders e dimena pers e chi vegnan güstifichats per amur da Gesu Crist.

Colliaziuns[modifitgar | modifitgar il code]