Confirmaziun
Ord Wikipedia
|
Quist artichel es scrit in rumauntsch puter
|
La confirmaziun (derivand dal latin confirmatio) es üna acziun da benedicziun in baselgias evangelicas. Il confirmand conferma conscienzchusamaing sieu battaisem passo e conferma medemmamaing ch'el vuless viver our dal spiert dal battaisem scu ün cristiaun creschieu, sculo e magiuren.
La confirmaziun capita pel solit in l'eted da 14 fin a 16 ans e glivra ün'instrucziun da confirmands chi düra traunter ün an e trais ans. Pü bod crudaivain insembel la fin dal temp da scoula e la confirmaziun.
Culla confirmaziun artschaiva il giuvenil ils drets ecclesiatics da piglier part a la Sencha Tschaina (hozindi suvenz eir già aunz la confirmaziun) ed ad elecziuns da baselgia e da dvanter padrin u madrütscha.
