Giuvens Socialists
| Datas fundamentalas | |
|---|---|
 | |
| Data da fundaziun: | 24. dezember 1906 |
| President: | Ronja Jansen |
| Commembers: | ca. 4500 |
| Website: | www.juso.ch |
| Cussegl naziunal | 5 mandats |
| cussegl dals chantuns | 0 mandats |
| Secretari central | Rosalina Müller |
La partida da la Giuventetgna Socialista Svizra (GSS) è la partida giuvna da la Partida Socialdemocrata da la Svizra (PSS). Malgrà sia colliaziun cun la PS è la GSS autonoma e decida sezza, co ella s'engascha politicamain. Medemamain prova ella adina puspè da influenzar la direcziun politica da la PS. Sia posiziun politica è circa quella da la part sanestra da la PS che stat datiers als sindicats.
Organisaziun[modifitgar | modifitgar il code]
La Giuventetgna socialista Svizra ha oz ca. 4'500 commembras e commembers en passa trenta secziuns en l'entira Svizra[1]; il dumber da secziuns è s'augmentà considerablamain ils davos onns. En tscherts chantuns (pli gronds) datti pliras secziuns dals GS, en auters chantuns pli pitschens (per il solit plitost conservativs) èn las secziuns pir en construcziun.
Las secziuns da la partida da la GS han da bler autonomia. Quai è per part era motivà entras la structura federalistica da la Svizra. Entras la radunanza annuala e las radunanzas da delegads che han lieu nov giadas ad onn han ellas era bler pais (secziuns pitschnas han proporziunalmain blera pussanza en questas radunanzas).
La direcziun generala è l'organ che maina la GSS. Ella vegn elegida durant la radunanza annuala. La GSS ha in president en plazza parziala da 40 pertschient. Mumentan è Ronja Jansen il presidente da la GSS. El è vegnì elegì sco prim president insumma l'onn 2008. La plazza dal secretari central è la segunda plazza da lavur dals GSS, dotada cun 80 pertschient. Actualmain è Rosalina Müller la secretaria centrala da la GSS (dapi 2009).
La partida da la GSS edescha ina atgna pitschna gasetta che cumpara 10 giadas ad onn, l'infrarot.
La partida da la GSS fa part dal moviment internaziunal dals lavurers e dal moviment mundial socialist da la giuventetgna ed è per quai era uniun affiliada da la "International Union of Socialist Youth". Cun quai che la Svizra n'è betg commembra da la Uniun Europeica, èn ils GS svizzers mo in commember assozià da la "ECOSY – Jóvenes Socialistas de Europa"
Colliaziuns[modifitgar | modifitgar il code]
- ↑ https://www.srf.ch/news/schweiz/politik-ist-hip-von-wegen-uninteressierte-junge-jungparteien-sind-im-aufwind