Jerusalem

Ord Wikipedia
La via da David en la citad veglia da Jerusalem sper la Porta da Jaffa che marca il cunfin tranter ils Quartiers armen e gidieu

Jerusalem (ladin er Gerusalem, ebreic: ירושלים Jeruschalajim; arabic: القدس al-Quds (asch-Scharif); grec e latin: Hierosolyma) è la chapitala dal stadi Israel. A Jerusalem sa chattan il post dal president, sco era da la legislativa, giudicativa ed executiva.

Jerusalem è ina da las citads pli veglias dal mund e probablamain abitada dapi 5000 onns senza interrupziun. Il cuntrast tranter temp antic e modern è vesaivel fitg bain en questa citad cun sia populaziun multiculturala e multietnica. La citad veglia è circundada dad in mir e partida en quatter parts: l'ebraica, la cristiana, l'armena e la part muslima.