Radio Televisiun Rumantscha
Ord la Wikipedia
Il Radio e la Televisiun Rumantscha è in'organisaziun da communicaziun per emetter emissiuns rumantschas.
[editar] Istorgia
Ils 17 da schaner 1925 vegn emessa l'emprima contribuziun da radio rumantscha. L'iniziant da quest'emissiun è Felix Huonder. Las emissiuns rumantschas regularas cumenzan l'onn 1943. Las Cristallas, la "radioscola" rumantscha, vegn emessa ils 27 da schaner 1955. Per far emissiuns rumantschas stattan a disposiziun CHF 144'302.50 en 1966.
Il Balcun Tort, l'emprima contribuziun da la televisiun rumantscha, vegn emessa ils 17 da favrer 1963. Quest'emprima contribuziun ha commemorà l'anniversari da 25 onns rumantsch sco quart linguatg naziunal da la Svizra. La Societad Svizra da Radio e Televisiun ha schlargià ils davos onns il Radio e la Televisiun Rumantscha a meds da massa electronics rumantschs impurtants. Dapi 1992 è vegnida dotada la societad purtadra, la Cuminanza Rumantscha Radio e Televisiun (u CRR) cun il status e las cumpetenzas da la quarta regiun linguistica da la SSR. Il studio regiunal Grischun, sco residenza da l'organisaziun da program professiunala (RTR), è daventà ina unitad d'interpresa independenta da la SSR.
[editar] RTR podcasts
Emissiuns ch'il Radio e la Televisiun Rumantscha offreschan sco Podcast san ins copiar e tadlar sin il computer sco document. Attractiva è questa pusseivladad spezialmain per copiar las emissiuns sin in MP3-Player mobil. Uschia pon ins tadlar las emissiuns cura e nua ch’ins vul. Cuntrari al Download normal d'ina emissiun vegn il service da Podcast offerì en abunament. Emissiuns novas survegn ins automaticamain.
