Tista Murk
Jon Battista «Tista» Murk (* 15 d'avrigl 1915 a Müstair; † 18 d'avust 1992 a Trun) è stà in scriptur svizzer da lingua rumantscha.
Biografia
[modifitgar | modifitgar il code]Tista Murk è naschì sco 15avel uffant ils 15 d'avrigl 1915 a Müstair. El ha frequentà il gimnasi a Mustèr ed a Sarnen. Suenter avair studegià a Friburg, Berna e Paris, lavura el sco bibliotecari a Cuira, silsuenter sco piunier per il radio e la televisiun rumantscha. Avant sia pensiun daventa el anc directur da la biblioteca populara svizra. Tista Murk è mort ils 18 d'avust 1992 a Trun.
Ovras
[modifitgar | modifitgar il code]La pli renumada ovra senumna "Bap e figl" dal onn 1984, plinavon ha el scrit differents texts da dramatica, prosa e lirica.
Ina resumaziun d'in text sco exempel
[modifitgar | modifitgar il code]Il text sa tracta da Jon Barcli che ha fatg la patenta da chatscha cumbain che quella ha dà in brav scarp en sia bursa ch'el tgira e pertgita sco nagut auter sin quest mund. Per stizzar si'anguscha da vegnir a la curta e da betg savair sittar il buc ch'el aveva gia observà dapi in temp, è el ì insaquants dis avant l'avertura da la chatsch'auta en il guaud cun sia buis. Ladinamain ha el anflà la preda e suenter in curt tun, croda quella per terra.
La saira tard pren il chatschadur sia chargia si dies e serenda encunter chasa. Sur la punt auta sto Jon Barcli far in paus e baiver in sitg. Paucs tschient pass sper la punt chatta el il guardiachatscha cun ses chaun. En sia situaziun desperada betta el sia preda sur la punt en la profunditad. Plein nauscha cunscienza mira el sin il survegliader e realisescha che quel è nagut auter ch'in spinatsch ch'el aveva gia vìs tantas giadas.
Funtaunas
[modifitgar | modifitgar il code]- Gion Deplazes: Funtaunas, Istorgia da la litteratura rumantscha per scola e pievel. tom 4, Lia rumantscha, Cuira 1993.