Šiprage
| Šiprage Шипраге | |
| Administraziun | |
|---|---|
| Pajais | Bosnia-Erzegovina |
| District | Republika Srpska |
| Vischnanca | Kotor-Varoš |
| Territori | |
| Autezza | 507–520 m s.m. |
| Populaziun | 788 abitants (2013) |
| Autras infurmaziuns | |
| Numer postal | 78224 |
| Preselecziun | +387 (0) 51 |
| Abitants | Šipražani |
| Internet | |
| Pagina-web uffiziala | |
Šiprage (en serb cirillic: Шипраге) è ina culegna ed anteriura vischnaca en la Bosnia-Erzegovina. El appartegna a la vischnanca da Kotor Varoš en la Republika Srpska, ina da las duas "entitats" dal pajais.
Num
[modifitgar | modifitgar il code]Il num odiern va enavos ad ina famiglia nobla d'uschenumnads begs cun il num Šipraga.[1] I n'è detant betg cler sche lur babuns eran part da la populaziun autoctona u sch'els èn immigrads en la regiun ed han cumprà possesiuns extensivs en las vals dal flum Vrbanja e ses flums laterals. Tenor la tradiziun orala ed il documents da cataster entschaiva lur expansiun a Pougarje (a las spundas dal Vlašić) en la val dal flum Ugar.
Geografia
[modifitgar | modifitgar il code]Šiprage giascha al flum Vrbanja, 61 km en il sidost da Banja Luka e 30 km en il sidost da Kotor Varoš,[2] ed è il center da l'omonima communitad locala. El sa chatta en ina vallada extesa (lung il flum Vrbanja e ses affluents) circumdada da pliras chadainas da muntognas: en il nordost il Šipraško Brdo (la collina da Šiprage, cun il piz Glavić, 950 m), en il sid il Jasik (769 m), en il sidost il complex Šajinovina–Stražbenica (848 m), en il vest il Radohova (950 m) ed en il nordvest il Borčići (799 m) cun il Hrastik.[3][4][5][6][7][8][9] La culegna ha ina lunghezza da trais kilometers ed ina ladezza da dus kilometers.
Clima
[modifitgar | modifitgar il code]A Šiprage e conturns regna in clima continental moderà. Las quatter stagiuns èn cleramain diversas. Las temperaturas e precipitaziuns verieschan enormamain tras l'onn ma èn fitg stabilas a lunga vista.
| Mais | Temperatura mesauna (°C) |
Temperatura minimala (°C) |
Temperatura maximala (°C) |
Precipitaziun (mm) |
|---|---|---|---|---|
| Schaner | –1,7 | –4,8 | 1,4 | 59 |
| Favrer | 0,3 | –3,6 | 4,2 | 63 |
| Marz | 4,6 | –0,1 | 9,3 | 59 |
| Avrigl | 9,1 | 3,9 | 14,3 | 74 |
| Matg | 13,6 | 8,1 | 19,2 | 90 |
| Zercladur | 17,2 | 11,5 | 22,9 | 99 |
| Fanadur | 18,9 | 12,6 | 25,3 | 81 |
| Avust | 18,4 | 11,9 | 24,9 | 76 |
| Settember | 14,7 | 8,6 | 20,9 | 71 |
| October | 9,5 | 4,7 | 14,4 | 79 |
| November | 4,4 | 1,0 | 7,8 | 100 |
| December | 0,1 | –2,7 | 3,0 | 88 |
La differenza en precipitaziuns tranter il pli sitg ed il pli bletsch mais è da 41 mm. Tras l'onn varieschan las temperaturas mesaunas per 20,6 °C.[10]
Annotaziuns
[modifitgar | modifitgar il code]- ↑ Radimsky V. (1892): Ostanci rimskih naseobina u Šipragi i Podbrgju, za tim starobosanski stećci u Šipragi i uz Vrbanju u Bosni. Glasnik Zemaljskog muzeja u Sarajevu, Godina IV, Knjiga I: 75–80.
- ↑ 61 Km — Distance from Siprage to Banja Luka. Distancesfrom.com. Consultà ils 4. 2. 2016.
- ↑ Spahić M. et al. : Bosna i Hercegovina (1:250.000). Izdavačko preduzeće „Sejtarija“, Sarajevo.
- ↑ Mučibabić B., Ur. (1998): Geografski atlas Bosne i Hercegovine. Geodetski zavod BiH, Sarajevo. Model:Page
- ↑ Photo of Siprage (KOTOR VAROS). Panoramio. 1. 5. 2007. Consultà ils 4. 2. 2016.
- ↑ Map of United States of America. Gosur.com. Consultà ils 4. 2. 2016.
- ↑ Satellite United States of America. Gosur.com. Consultà ils 4. 2. 2016.
- ↑ Banja Luka Map | Bosnia and Herzegovina Google Satellite Maps. Maplandia.com. Consultà ils 4. 2. 2016.
- ↑ Vojnogeografski institut, Izd. (1963): Šiprage (List karte 1:25.000, Izohipse na 20 m). Vojnogeografski institut, Beograd.
- ↑ https://en.climate-data.org/location/905786/
Colliaziuns
[modifitgar | modifitgar il code]
Commons: Šiprage – Collecziun da maletgs, videos e datotecas d'audio