Angiolina Vonmoos

Ord Wikipedia
Jump to navigation Jump to search

Angiolina Vonmoos-Valentin (* 2 d'october 1862 a Sur En, vischn. da Sent; † 1955 a Ramosch) è stada ina scriptura rumantscha.

Vita ed ovra[modifitgar | modifitgar il code]

Angiolina Valentin è naschida l'onn 1862 a Sur En, ina fracziun da la vischnaca da Sent. Ella era la figlia da Jon Valentin (numnà Jon da Töna) ed Annatina, naschida Ans. Ils geniturs gestiunavan l'ustaria ‹Uors›. Il bab era muliner, chaltger e chanastrer; el ha era fatg part da la schluppettada da l'urs legendar en Val d'Uina.

Suenter aver frequentà las scolas dal vitg, lavurava ella en ina plazza sco tgirunza tar ina famiglia nobla en Engalterra. Lura è ella stada per dus onns en Frantscha. En sias plazzas e l'ester ha ella emprendì englais e franzos. Il 1908 ha ella maridà en segunda letg Schimun Vonmoos, da plirs onns reverenda a Ramosch e scriptur.

Schimun Vonmoos vegn ad esser quel che l'ha animà da scriver. Angiolina Vonmoos era cun quai la «prüma vusch feminina aint illa prosa narrativa rumantscha originala».

Angiolina Vonmoos ha scrit e publitgà insaquants raquints, tranter quels «Meis prüm anè» e «La muoja alba» (en Chasa Paterna 31) u «L'amur da Nina » (sco Chasa Paterna 44)

Funtaunas[modifitgar | modifitgar il code]