Annamengia Bertogg

Questa pagina è scritta en sursilvan.

Annamengia Bertogg (* 10 da zercladur 1928 a Pitasch; † 15 da fevrer 2020 a Castrisch) era ina autura romontscha e mussadra da scoletta. Sia ovra fa part alla lirica ni alla novella.^[1]

Veta

Annamengia Bertogg ei carschida si en ina famiglia purila a Pitasch sco feglia da Jacob Caviezel, pur ed ustier, e da Barla nata Gartmann, da Riein. Ella frequenta la scola da puras a Glion e pli tard il cuors dalla Lia Rumantscha per scolastas. Ella ha cuort instruiu ella scoletta ad Almen. Annamengia Bertogg marida 1952 Christian Bertogg da Sevgein e daventa mumma da treis feglias.^[2] Ella habitava a Castrisch.

Ovra

En sia veta ha Bertogg scret numerus raquens cuorts e poesias pil calender per mintga gi e dus cudischs, «La biadia raquenta» e «Siemis spel Rein». Sia ovra litterara reflectescha il mund puril e la veta quotidiana da pli baul. Bertogg dumogna da caracterisar persunas cun paucs plaids en ses raquens cuorts. Il 2001 ei Bertogg vegnida honurada cun in premi da renconuschientscha dil cantun Grischun.

Colligiaziuns

Annamengia Bertogg en il Lexicon istoric retic

Fontaunas

↑ Deplazes, Gion. Funtaunas, Istorgia da la litteratura rumantscha per scola e pievel, tom 3, Lia Rumantscha, Cuira, 1990.
↑ Bertogg, Annamengia. Siemis spel Rein, Renania e Romania, 2001.

[1] Deplazes, Gion. Funtaunas, Istorgia da la litteratura rumantscha per scola e pievel, tom 3, Lia Rumantscha, Cuira, 1990.

[2] Bertogg, Annamengia. Siemis spel Rein, Renania e Romania, 2001.

[1]

[2]