Büvetta Tarasp
La Büvetta Tarasp a Nairs dasper l’En es ün monumaint cultural i’l cumün svizzer da Scuol in Engiadina bassa.
Istorgia & architectura[modifitgar | modifitgar il code]
Cul fabricat da la chasa da cura da Tarasp da l’architect Felix Wilhelm Kubly dal 1864 es creschü il nomer dals giasts benestants. Las auas fortas gnivan pumpadas i’ls implants da la chasa da cura. A quist success es segui il fabricat dad üna halla rapreschantativa. Dal 1874 fin al 1876 es la halla cun las funtanas da sal da Glauber gnüda fabrichada tenor ils plans da Bernhard Simon. I’s tratta dad üna halla lungainta per flanar e baiver cun peida; vers la muntogna daiva butias, e da la vart da l’En grondas fanestras ad arch ed in fuond da la halla üna rotunda octangulara per las trais funtanas Bonifacius, Emerita e Lucius.
Da l’on 1963 han ils architects Rico Manz e Konstantin Harter da Cuoira transfuormà la sala da baiver cun sia tabladüra da dschember richamaing profilada in ün spazi sainza «firlifanzas istoristicas».[1]
L’architect Men Duri Arquint ha progettà dal 2015 ün’installaziun da glüm sco glüm d’avis fin chi cumanzessan las prümas lavurs da sanaziun.[2] L’architect grischun ha transfuormà la sala da baiver in üna gemma da culurs “verdas smaragd-türkisas”.[3]
Cun la chasa da cura Tarasp da Felix Wilhelm Kubly, la Villa Victoria e la chasa da bogn anteriura fuorma la Büvetta Tarasp l’Ensemble Nairs.
Monumaint cultural[modifitgar | modifitgar il code]
La halla da baiver es ün monumaint cultural da la categoria A ed es inscritta illa glista dals bains culturals da Scuol.
Annotaziuns[modifitgar | modifitgar il code]
- ↑ Trinkhalle Büvetta Tarasp.
- ↑ Anette Senn: Wasser – ein kostbares Gut. 2018 da december 28.
- ↑ Wenn Heinrich Lüber auf dem Dachfirst in Nairs balanciert.... 2015 d'avust 26.