Caracalla

Ord Wikipedia
Bist da Caracalla

Caracalla (* 4 d'avrigl 188 a Lugdunum, ozendi Lyon; † 8 d'avrigl 217 en Mesopotamia) era dapi il 211 fin sia mort imperatur roman (princeps). Ses num uffizial sco imperatur era Marcus Aurelius Severus Antoninus. Caracalla (pli correct fiss Caracallus) era in surnum ch'el ha retschet a partir dal 213 tenor in lung mantè cun capuza retic.

Enturn l'onn 200 s.Cr. ha el dà il dretg da burgais als Rets. Quest dretg da burgais, sco era l'uschènumnada Pax romana, in temp da pasch e da gronda prosperitad ecxonomioca en l'entir territori da l'Imperi roman han manà en la Rezia ad ina fitg ferma identificaziun cun l'imperi e la lingua latina. Ils Celts e Rets da la Rezia èn vegnids romanisads entaifer paucs tschientaners. Quest process ha manà a la naschientscha dal linguatg rumantsch.