Center geografic dal chantun Schaffusa
Il center geografic dal chantun Schaffusa sa chatta en in er en l'Eschheimertal sin il territori da la vischnanca da Beringen.
Il punct sin 565 m s. m., che vegn marcà cun in crap erratic da 3,5 tonnas paisa, sa chatta al nordvest da la citad da Schaffusa, en vischinanza dal Beringer Randenturm e da l'Engeweiher. Las coordinatas exactas èn 686'528 / 285'410.
A chaschun da las festivitats dal centennari da la mesiraziun uffiziala dal chantun è vegnida inaugurada ina tavla commemorativa tras cusseglier guvernativ Ernst Landolt. Il crap erratic giascha be intgins meters sper la senda da viandar che maina dal Lahnbuck en l'Eschheimertal. La senda è signalisada cun tavlas melnas cun scrit si «Mittelpunkt des Kantons Schaffhausen».
Il center geografic è 21 km davent da Stein am Rhein, 16 km davent da Buchberg e 13 km davent da Trasadingen.
Litteratura
[modifitgar | modifitgar il code]- Der Nabel des kleinen Paradieses. Neue Zürcher Zeitung dals 13 d'avust 2012 (tudestg)
- Mittelpunkt zum 100-Jahr-Jubiläum. Schaffhauser Nachrichten dals 5 d'avrigl 2012 (tudestg)
Colliaziuns
[modifitgar | modifitgar il code]
Commons: Center geografic dal chantun Schaffusa – Collecziun da maletgs, videos e datotecas d'audio