Costa Rica

Ord Wikipedia
Midar tar: navigaziun, tschertga
Write.svg Questa pagina è scritta en sursilvan.
Bandiera dalla Costa Rica
Uoppen dalla Costa Rica

Costa Rica (spagnol per "costa reha"; num ufficial en spagnol República de Costa Rica)) ei in stadi ell'America centrala, che cunfinescha el nord cun Nicaragua ed el sid cun Panama. La tiara ha ina costa caribica ed ina pacifica e quenta sco ina dallas tiaras pli progressivas dall'America latina. Aschia ei l'armada gia els onns 50 vegnida abolida adabien da projects d'educaziun e da sanadad, tgei ch'ei propi da sentir.

La tiara gudogna leutier passa 90 % dil basegns d'energia cun fontaunas regenerativas ed il turissem ecologic vegn era promovius ferm. Bunamein in tierz dalla surfatscha dalla tiara, che constat aschia ni aschia per gronda part da natira, ei protegida.

En cuntrast tier autras tiaras ella regiun, ei Costa Rica dapi ils onns 50 ina democrazia constanta ed ei dapi lu schurmegiada da problems sozials, uiaras burgaisas e dictaturas ch'ei ha dau en tiaras vischinontas. Perviada conflicts anteriurs en talas tiaras vischinontas, ha Costa Rica declarau 1983 la "neutralitad eterna ed activamein nunarmada" e vegn perquei era numnau la "Svizra dall'America centrala".