Curo Mani
|
Quest artitgel u questa secziun ha basegn d'ina repassada. Sche ti t'interesseschas per la tematica, pos ti al repassar e meglierar. Motiv: Per vichifitgar --Andreas 15:08, 12 schaner 2010 (CET) |
Curo Mani (* 13 da satember 1918 a Pignia; † 29 da satember 1997) e sto egn surmester a scriptur rumàntsch. El eara il poet prinzipal da la renaschientscha culturala an Schons.
Biografia
[modifitgar | modifitgar il code]- naschì ils 13 da settember 1918 a Pignia
- seminari da scolasts a Cuira
- scolast primar a Pignia
- scolast secundar ad Andeer e San Murezzan
- mistral e deputau da la Val Schons
- Ussa stat el ad Andeer
Ovras principalas
[modifitgar | modifitgar il code]- "Raschladas" (poesias, manuscrit)
- "Ovras I (poesias, prosa, teaters)
- "Ovras II (poesias, prosa, teaters)
Resumaziun: Igl priedi da l'emna
[modifitgar | modifitgar il code]En ina vischnanca en la Val Schons devi avant blers onns la mesemna saira il priedi da l'emna. Nagin scheva ora quai priedi, era sch'els eran fatschentads cun far fain. Magari vegnivan els era per far ina durmideta el frestg da la baselgia. Mo il Ser Dumeni, che fageva sez il pur, guardava che tuts stettien alerts. El n'ha betg propi studegià ad ina scol'auta, mo el aveva era in bun egl per la biestga ed el era in dals emprims che ha mess tartuffels. Ils auters avevan nagin tschaffen da quai. Ina ha ina giada ditg che quai che creschi sut la terra vegni da quel cun la corna.
Ina mesemna è il Ser Dumeni ids encunter saira sut la vischnanca per segar e studegiar il priedi. El vesa ses bels tartuffels e patratga vid quels purs stinai che crain mo quei ch'els vesan, exact sco l'apostel Tumasch - il nuncartent. Quai fiss in'idea per il priedi. Tuttenina auda el ch'i tutga. El entschaiva a currer encunter la vischnanca ed i chala da tutgar, ed el è anc adina sin via. La dunonda spetga avant la porta cun la cassatga. Ser Dumeni trai en la cassatga. El è tut bletgs e sainza flad. El entra cun ses calzers da capaneghels, durant che la glieud chanta adina pli e pli da bass. In's udeva medemamain il cuzér. Lura va el sin la chanzla e tign ses priedi. El di ch'ei seigi qua daquels che craian be quai ch'els vesien, mo tuts sappien ch'el porti sut la cassatga il cuzér, e tuts che craian vidlunder. Suenter ses pleds è il priedi ids bain a fin e dapi lura leva la glieud tegnair il Ser Dumeni per adina tochen la sia mort. E sch'enzatgi dumandava suenter la istorgia dil cuzér schevan els: "Betg idea!"
Funtauna
[modifitgar | modifitgar il code]- Deplazes, G., Funtaunas, Istorgia da la litteratura rumantscha per scola e pievel, tom 4, Lia Rumantscha Cuira 1993.